Соня Ганди (хинди सोनिया गाँधी, итал. Sonia Gandhi; райгуырд 1946-æм азы 9 декабры Италийы сахар Лузианæйы) — Индийы зындгонддæр политиктæй иу, Индийы националон конгрессы раздзог (1998-2017/2019-2022), Индийы раздæры премьер-министр Раджив Гандийы идæдз ус.

Соня Ганди
итал. Sonia Gandhi
Райгуырды датæ 1946-æм азы 9 декабры(1946-12-09)[1][2][3] (77 азы)
Райгуырæны бынат
Æмбæстонад Итали ИталиИнди Инди
Куысты мыггаг политик
Ахуырад
Дин католицизм
Парти
Основные идеи национал-либерализм, гандизм
Æмкъай Раджив Ганди
Сывæллæттæ Рахул Ганди[d] æмæ Приянка Ганди-Вадра[d]
Хорзæхтæ
soniagandhi.org
ВикиКъæбицы логотип Викикъæбицы медиа

Райгуырд Италийы куыд Соня Антония Майно (йæ гæххæттытæм гæсгæ Эдвиге Антония Альбинæ Майно, итал. Edvige Antonia Albina Maino[5]). Йæ ныййарджытæ — Антонио æмæ Паола Майно. Соняйы фыд Дыккаг дунеон хæсты рæстæг советон уацары бахауд. Уый фæстиуæгæн стыр нымд кодта уæрæсейаг истори æмæ культурæйæн, æмæ уый охыл йе ’ртæ чызгæн радта уырыссаг нæмттæ. Антонио фæмард 1983-æм азы, Соняйы мад æмæ йæ дыууæ хойы ныр дæр цæрынц Италийы, Орбассанойы цур.

1965-æм азы Соня Майно æрбацыд Кембриджмæ англисаг æвзаг ахуыр кæнынмæ. Уым базонгæ кодта йæ суинаг лæгимæ — уый ахуыр кодта Кембриджы университеты. 1968-æм азы уыдон скодтой чындзæхсæв Нью-Делийы, уый фæстæ Соня æрцарди йæ лæджы мад Индирæ Гандийы хæдзары. Индирæ Ганди уыд Индийы премьер-министр 19661977 æмæ 19801984 азты.

1970-æм азы Соняйæн райгуырд фырт — Рахул, 1971-æм азы та — чызг Приянкæ.

Индирæ Гандийы фæндыди, цæмæн йæ фæдыл йæ кæстæр фырт Санджая Ганди цæуа. Раджив Ганди уæд граждайнаг авиацийы тæхæгæй куыста. 1980-æм азы та, Санджай куы фæмард, Раджив активонæй политикон архайдыл ныллæуыд. Йæ мад куы фæмардтой 1984-æм азы, уый сси бæстæйы премьер-министр.

Литературæ ивын

Соня Гандийы тыххæй ис цалдæр чиныджы:

  • S. R. ET AL. BAKSHI (1998) Sonia Gandhi, The President of AICC South Asia Books. ISBN 81-7024-988-0
  • Rupa Chaterjee (1999) Sonia Gandhi: The Lady in Shadow Butala. ISBN 81-87277-02-5
  • C. Rupa, Rupa Chaterjee (2000) Sonia Mystique South Asia Books. ISBN 81-85870-24-1
  • Moro, Javier "El sari rojo" (Ed. Seix Barral, 2008) "Il sari rosso" (Il Saggiatore, 2009)

Æддаг æрмæг ивын

 
Соня Ганди æмæ Уæрæсейы президент Дмитрий Медведев официалон фембæлды рæстæг (2008-æм азы декабрь)

Фиппаинæгтæ ивын