Æбаты Шамил

Æбаты Бекмурзæйы фырт Шамил (1878-æм азы Чырыстонхъæу — 1940-æм азы 8 ноябры Дзæуджыхъæу) у дыгурон поэт æмæ революционер.

Æбаты Шамил
Райгуырды датæ	1878
Райгуырæны бынат	Чырыстонхъæу, Дыгуры район
Мæлæты бон	1940-æм азы 8 ноябры(1940-11-08)
Мæлæты бынат	Дзӕуджыхъӕу, Уæрæсейы СФСР, Советон Цæдис
Æмбæстонад (дæлхицауад)	Уæрæсейы импери  Советон Цæдис
Архайды хуыз	поэт, фыссæг
Уацмысты æвзаг	ирон

Цардафыст

Æбаты Шамил райгуырд 1878 азы Чырыстонхъæуы. 1893 азы хъæууон иукъласон скъола каст фæци, фæлæ, фыдæй сидзæр кæй уыд, уымæ гæсгæ йын дарддæр ахуырæн фадат нал уыд æмæ зæххы куыст кæнын райдыдта.

1904 азы Æбайы-фырт бацыд Чырыстонхъæуы сусæг куыстгæнæг политикон къордмæ æмæ уæдæй фæстæмæ аныгъуылд революцион змæлды. Архайдта 1905—1907 азты революцийы. 1910—1917 азты алы хъæуты скъолаты куыста ахуыргæнæгæй, революцион зондахаст парахат кодта зæхкусджыты æмæ Садоны æрзæткъахæнты шахтерты ’хсæн. Коммунистон партимæ бацыд 1917 азы. 1919 азы йæ сусæг парт-конференцийы сæвзæрстой УК(б)П-йы Ирыстоны организацийы зылды комитеты сæрдарæй æмæ парти «Кермен»-ы къорды революцион хæстон советы уæнгæй.

1920 азæй Æбаты Шамил куыста бæрнон бынæтты: уыд облæххæсткомы Президиумы уæнг, облæсты адæмон ахуырады хайады сæргълæууæг, Цæгат Ирыстоны педагогон институты директор æмæ æнд. Æрцахстой йæ 1937 азы, амард 1939 азы 8 ноябры.

Æбаты Шамил сфæлдыстадон куыст райдыдта хæрзæрыгонæй, йæ уацмыстæ фыццаг хатт мыхуыры фæзындысты 1907 азы газет «Ног цард»-ы. Шамил ныффыста пьссæ «Лæгсæрдтæ», радзырдтæ «Темурухътæ», «Хъанцау», «Къæсхури Исмел» æмæ æндæртæ, ратæлмац кодта революцион зарæг «Варшавянкæ», æмæ уый 1920 азы мыхуыргонд æрцыд газет «Кермен»-ы. Революцийы фæстæ йæ уацмысты темæ уыд Октябрь, Ленин, фæскомцæдис, К. Маркс, 1 Май, фæллойгæнæг æмæ æндæртæ.