Мысыкаты Темболат

Мысыкаты Темболат
Мысыкаты Темболат
Райгуырды датæ	29 июны (11 июлы) 1875
Райгуырæны бынат	Брут;
Мæлæты датæ	1962-æм азы 26 майы (86 азы)
Мæлæты бынат	Беслæн, Цæгат Ирыстоны АССР, Уæрæсейы СФСР, Советон Цæдис;
Бæстæ	Уæрæсейы импери; Советон Цæдис;
Архайды хуыз	музыкант, кадæггæнæг
	Викикъæбицы медиа

Мысыкаты Тепсарыхъойы фырт Темболат (райгуырди 1875 азы Бруты) у ирон кадæггæнæг, музыкант.

Цардафыст

Мысыкаты Тепсарыхъойы фырт Темболат райгуырди 1875 азы Бруты зæхкусæджы хæдзары. Йæхæдæг дæр хæрз сабийæ зæронды бонтæм кодта зæххы куыст. Темболат фынддæсаздзыдæй фæцалх хъисын фæндырæй цæгъдыныл. Ахуыр та сси джимарайаг номдзыд кадæггæнæг Хъалæгаты Иналдыхъойыл, стæй Тменыхъæуы (йæ фыдæлтæ Брутмæ уырдыгæй ралыгъдысты) дзыхарæхст æмæ фæндырарм лæгтыл.

Бруты зæрæдтæ-иу арæх æрбамбырд сты Гæрæнтæм (сæ фос уырдæм тардтой) æмæ кодтой аргъæуттæ, кадджытæ, зарджытæ, дзырдтой алы хъæлдзæг хабæрттæ. Уæлдай хуыздæр бахъуыды кодта æвзонг Темболат Цъæхилты Бибойы. Уымæн «йæ хорз зарджытæн, йæ хорз кадджытæн кæрон кæм уыди?» Лæппу йæм хъусынæй не ’фсæсти.

Литературæ

Брутæгтæ. Журнал «Мах дуг», 2000 аз, №10