Хаджеты Таймураз: различия между версиями

 

Йе ’мдзæвгæты фыццаг чиныг «Фараст барæджы» рухс федта 1973 азы Цхинвалы. Фæстæдæр ма рауагъта иу-авд чиныджы Цхинвалы, Дзæуджыхъæуы æмæ Мæскуыйы уырыссаг æвзагмæ тæлмацæй. Иæ уацмысты æххæстдæр æмбырдгонд «Фæсизæр» рацыди 1995 азы йæ 50 азы юбилеймæ Дзæуджыхъæуы.

Мæнæ ахæм аргъ скодта Таймуразы сфæлдыстадæн зындгонд ирон поэт æмæ публицист Хъодзаты Æхсар:

«Ныфсхаст къахдзæф æрбакодта Таймураз нæ литературæмæ. Йæ поэтикон хъæлæс ын фæхæццæгæнæн никæимæ ис, у оригиналон, аив, ныфсхаст, æнкъарæнтæй — дзаг. Йæ ахорæнтæ сты ног, ахадгæ, удæхцон». («Мах дуг», 2008, №2)