Магеллан, Фернан

Ферна́н (Ферна́ндо) Магелла́н (Магальяйнш) (порт. Fernão de Magalhães [fɨɾˈnɐ̃w̃ ðɨ mɐɡɐˈʎɐ̃ȷ̃s], исп. Fernando (Hernando) de Magallanes [(f)eɾ'nando ðe maɣa'ʎanes], лат. Ferdinandus Magellanus; райгуырдис 1480 азы 20 ноябры, Саброзæйы, Португалийы облæст Траз-уж-Монтиш — амардис 1521 азы 27 апрелы Мактаны сакъадахыл, ныртæккæ у Филиппинты паддзахады) уыдис португайлаг æмæ испайнаг денджызы цæуæг. Уый разамынд кодта, фыццаг зæххыалыварс балц чи ракодта, уыцы къордæн. Ссардта Хуссар Америкæйы хуссары, фæстæдæр йæ ном хæссын чи байдыдта, уыцы донкъубал (Магелланы донкъубал), Сабыр фурды цæугæйæ ссардта Марианаг сакъадæхтæй æртæ, фæстæдæр та — Филиппинаг сакъадæхтæй цалдæр (уыдонæй стырдæр сты Самар, Минданао æмæ Себу).

Магелланы портрет

Магеллан фæмард тохы Филиппинаг сакъадæхтæй иуыл, карды цæфæй. Йе ’мбæлццонтæ цыдысты дарддæр æмæ Испанимæ раздæхтис æртæ науæй æрмæстдæр иунæг нау — «Виктория». Науыл баззадысты æрмæстдæр æстдæс бæлццоны.

Магелланы экспедици равдыста, Зæхх къори кæй у, уый, æмæ цас у йæ ас. Уымæй Магеллан сси Стыр географион ссардтыты дуджы зындгонддæр архайджытæн сæ иу.

Магелланы экспедици куыд цыдис картæйыл