Токаты Алихан: различия между версиями

Содержимое удалено Содержимое добавлено
Создано переводом страницы «Токаев, Алихан Инусович»
(хицæндзинæдтæ нæй)

Фæлтæр 19:25, 12 ноябры 2020

Алихан (Владимир) Инусы фырт Токаты (райгуырд 1893-æм азы— амард 1920-æм азы) — ирон драматург, поэт æмæ публицист. Фыццаг ирон сонеты автор .

Токаты Алихан
Райгуырды датæ 1893
Райгуырæны бынат
Мæлæты бон 1920
Мæлæты бынат
Æмбæстонад (дæлхицауад)
Архайды хуыз фыссæг, поэт
Уацмысты æвзаг ирон

Биографи

Райгуырдис 1893-æм азы июлы [[Дæргъæвс]]ы хъæуы бирæзæнæгджын зæхкусæгон бинонты. Йæ райгуырæнбоны датæ бæлвырдгонд нæу, кæцыдæр биографтæм гæсгæ, Алихан райгуырд 1895-æм азы. 1907-æм азы фæцис дæргъæвсаг дыууæкъласон дины скъола. Чи йæ зыдта, уыды ныхæстæм гæсгж, скъолæ фæци кады гæххæттимæ. Дарддæр йын нал уыд ахуыр кæныны фадат, раздæхт фæстæмæ æмæ йæ бинонтæн æххуыс кодта хæдзарон куыстыты. Уый фæстæ йæ мад Дзгойы æмхæрæфырты æххуыссæй бацыд Санибайы скъоламæ, уым каст фæцис цыппарæм къласс.

1912-æм азы Алихан каст фæцис Бакуйы денджызон техникум, уый фæстæ бацыд училищемæ ’мæ дзы фæахуыр кодта 1916-æм азы октябры онг. Бакуйы базонгæ ис революционертимæ, иста хайад большевикты сусæг змæлды. Уыцы æзты Бакуйы уыди бирæ ирон фæсивæд, архайдтой се ’взаг, сæ адæмы культурæ, сæ хæхты фарн хъахъхъæныныл. Алихан ахуыры рæстæджы фæцалх литературон куыстыл дæр.

1916-æм азы фæззæджы амард Алиханы фыд Инус æмæ октябры поэт ныууагъта йæ ахуыр æмæ раздæхт Ирыстонмæ. 1917-æм азы бацыд ирон революцион-демократон парти «Кермен»-мæ. Æнувыдæй архайдта Цæгат Кавказы революцион змæлды. Иста хайад Терчы бæстæйы II съезды куысты Пятигорскы, уым æй равзæрстой Терчы республикæйы уæлдæр орган — Адæмон Советмæ.



.

Сфæлдыстад

Токаты Алихан фыссын райдыдта 1909-æм—1910-æм æзты. Уæды фыст æмдзæвгæтæ йæ тетрады баззадысты. Уыцы æмдзæвгæты ’хсæн сты «Иунæджы бон», «Амонд», «Дуне», «Хур» æмæ а.д. Æмдзæвгæтæй уæлдай ныффыста драмæ æмæ публицистикон æрмæджытæ дæр. Классикон сонеты формæйы у фыст йе ’мдзæвгæ «Цыкурайы фæрдыг», йæ сюжеты бындур адæмон мотив алæмæты фæрдыджы тыххæй, кæцы аххæст кодта адæмы фæндтæ. Токаты фыста æмбисæндтæ дæр:«Хæрæг æмæ булæмæргъ», «Уасæг, хъаз, бабыз æмæ гогыз». 1912-æм азы кæнæ 1913-æм азы ныффыста йæ пьесæ «Урс сынтытæ», сценæйыл йæ сæвæрдта Бакуйы ирон драмон къорд 1914-æм азы февралы. Уыцы пьесæ хауы йæ рагон сфæлдыстадмæ æмæ дзы ахсы уæлдай ахсджиаг бынат.


Фиппаинæгтæ

Литературæ

  • Токаев Алихан Инусович // Бибоева И. Г., Казиты М. Р. Писатели Осетии: Библиографический справочник. — Владикавказ: Ир, 2015. — С. 115—117. — ISBN 978-5-7534-1499-01
  • Алихан Токаты, Уацмыстæ // Дзæуджыхъæу «Ир̈», 2004

Æрвитæнтæ