Голоты Владимир: различия между версиями

'''Голоты Естъайы фырт Владимир''' у зындгонд ирон фыссæг-публицист. Уый райгуырдис [[1910]] азы [[Хуссар Ирыстоны Ленингоры район|Ленингоры районы]] хæххон хъæу Салбиеры[[Салбиер]]ы мæгуыр зæхкусæг хæдзары. Йæ фыд Естъа амардис [[1916]] азы.

[[1927]] азы Голоты Владимир ахуыр кæнынмæ бацыдис [[Цхинвал]]ы ахуыргæнджыты дыууæазон курсытæм. Каст сæ фæцис æнтысгæйæ æмæ кусын райдыдта йæ райгуырæн хъæуы ахуыргæнæгæй. Уыцы иу рæстæджы уацтæ фыста [[Мæскуы|Мæскуыйы]] «Крестьянская газета»-мæ. Йæ уацтæ афтæ цымыдисон уыдысты æмæ йæ уайтагъд газеты редакции йæхимæ ахуыдта кусынмæ. Уыцы рæстæджы Владимир ахырмæ бацыдис журналисты уæлдæр скъоламæ.

[[1935]] азы журналистты уæлдæр скъола каст куы фæцис, уæд æрыздæхт йæ райгуырæн Ирыстонмæ. Уæдæй йæ амæлæты бонмæ куыста прессæйы. Къорд азты дæргъы уыдис газет «Коммунист»-ы бæрнон редактор. Рауагъдады директор. Радиоралæвæрды хистæр. Журнал «Фидиуæджы» редколлегийы уæнг. Голойы-фырт уыдис йе схъомылгæнæг партийы æнувыд солдат [[1939]] азæй фæстæмæ. Æвæстиатæй кусынмæ цыдис, партии йæ кæдæм æрвыста, уырдæм. Цалдæр азы фæкуыста [[Хуссар Ирыстоны Дзауы район|Дзауы районон]] газет «Дзау»-ы редакторæй.

Голоты Владимир бæрнон бынæтты архайгæйæ уый æмрæстæджы кодта ахадæн сфæлдыстадон куыст дæр. Фыста радзырдтæ, уацаутæ, аивадон очерктæ, публицистикон уацтæ. Активон хайад иста куыд Хуссар Ирыстоны, афтæ [[Цæгат Ирыстон]]ы дæр.

Голоты Владимирæн мыхуыры рацыд радзырдтæ, уацаутæ æмæ очеркты бирæ æмбырдгæндтæ. Уыимæ хайад иста фысджыты уацмысты иумиагиумæйаг æмбырдгæндты. Фыссæг-публицист æппæт йæ цард, йе сфæлдыстадæй æнувыдæй лæггад кодта адæмæн. Йе ’нувыд куысты тыххæй хорзæхджын æрцыд бирæ кады грамотатæйграмотæтæй æмæ падзахадон хорзæхтæй.