Гæбæраты Сергей

Гæбæраты Нестеры фырт Сергей (райгуырдис 1928-æм азы 1 июны, Мугуты хъæуы — амардис 2014-æм азы 9 майы Цхинвалы) — советон хъæбысæйхæцæг уæгъдибар хъæбысæйхæстæй æмæ самбойæ, æхсæнадæмон спорты мастер, ССРЦ-йы уæгъдибар хъæбысæйхæстæй чемпион, самбойæ æмæ дунейы чемпионаты уæгъдибар хъæбысæйхæстæй бронзæйы призёр.

Гæбæраты Сергей
Иумæйаг информаци
Æрд	нæлгоймаг[d]
Специализаци	хъæбысхæст[d]
Райгуырды датæ	1928-æм азы 1 июны(1928-06-01)
Гуырæн бынат	Мугут, Знауыры район, Хуссар Ирыстоны автономон бæстæ, Гуырдзыстоны ССР, Фæскавказы СФСР[d], Советон Цæдис
Мæлæты бон	2014-æм азы 9 майы(2014-05-09) (85 азы)
Мæлæты бынат	Цхинвал

Цардафыст

Райгуырди 1928 азы 1 июны Хуссар Ирыстон, Знауыры районы, Мугуты хъæуы зæхкусæг бинонты хæдзары. Йæ сывæллоны бонтæй згъордта, алыхуызон уæзтæ иста. 1950 азы рамбылдта Гуырдзыстоны ерыстæ гирийы спортæй. Гуырдзыстоны æмбырдгонд командæмæ йæ куы райстой, уæд гирийы спорт ныууагъта.

Фæстæдæр сси Вахтанг Кухианидзейы уæгъдибар хъæбысæйхæстæй ахуыргæнинаг. 1952 азы бацахста дыккаг бынат Гуырдзыстоны уæгъдибар хъæбысæйхæст чемпионаты. 1953 азы сси æвзист призёр ССРЦ-йы чемпионат Тбилисы. 1954 азæй ССРЦ-йы уæгъдибар хъæбысæйхæсты æмбырдгонд командæйы уæнг. 1953 азы ССРЦ – Швецийы матчы фæуæлахиз ис Швецийы 11 хатты чемпион æмæ олимпаг хъæзтыты призæр Оле Андербергыл. Сси бронзæйы призёр дунейы чемпионат Токиойы æмæ ССРЦ-йы уæгъдибар хъæбысæйхæсты чемпион Ленинграды. 1955 азы бацахста æртыккаг бынат ССРЦ-йы уæгъдибар хъæбысæйхæсты чемпионаты Минсчы. 1956 азы сси ССРЦ-йы чемпион самбойæ Ленинграды æмæ бацахста æртыккаг бынат уæгъдибар хъæбысæйхæсты ССРЦ-йы адæмы сæрдыгон Спартакиадæйы Мæскуыйы.

1958 азы къухы травмæйы тыххæй Сергей ныууагъта йæ спортивон карьерæ æмæ ацыд тренерон куыстмæ. Уыцы иу аз каст фæци Тбилисы паддзахадон университет.

1-2 июлы 2013 азы Цхинвалы арæзт æрцыд æхсæнадæмон турнир 1954 азы дунеон чемпионаты фыццаг ирон архайæг æмæ призёр, æхсæнадæмон спорты мастер Гæбæраты Несторы фырт Сергейы 85 азы юбилейы кадæн.

Йæ бинонтимæ царди горæт Цхинвалы æмæ уым 2014 азы 9 майы йæ цардæй ахицæн.

Спортивон æнтыстытæ

• ССРЦ-йы уæгъдибар хъæбысæйхæсты чемпион Ленинграды (1954)
• ССРЦ-йы самбойæ чемпион Ленинграды (1956)

Хæрзиуджытæ æмæ архайæджы нæмттæ

• Республикæ Хуссар Ирыстоны физикон культурæ æмæ спорты сгуыхт архайæг
• Майдан "За укрепление мира"

Æрвитæнтæ

• Гæбæраты Сергей — профиль сыйтыл International Wrestling Database(англ.)
• Габараев Сергей
• Габараев на различных соревнованиях Архивгонд æрцыдис 9 августы 2022 азы.
• Когда Сергею Габараеву воздадут за заслуги
• Первый осетин — чемпион СССР
• В Цхинвале состоялось открытие международного турнира по вольной борьбе имени Сергея Габараева
• Ушел из жизни один из самых заслуженных спортивных деятелей Осетии Сергей Габараев