Россини, Джоаккино Антонио

Джоакки́но Анто́нио Росси́ни (итал. Gioachino Antonio Rossini; 1792—1868) уыди италиаг композитор, динон æмæ камерон музыкæйы, стæй 39 оперæйы автор.

Джоаккино Антонио Россини
итал. Gioachino Antonio Rossini
Иумæйаг информаци
Гуырæн ном итал. Gioachino Antonio Rossini
Райгуырды датæ 1792-æм азы 29 февралы(1792-02-29)[1][2][3][…]
Райгуырæны бынат
Мæлæты датæ 1868-æм азы 13 ноябры(1868-11-13)[1][2][3][…] (76 азы)
Мæлæты бынат
Ныгæныны бынат
Бæстæ
Професситæ композитор
Сфæлдыстады азтæ 1810
Инструменттæ виолончель[d]
Жанртæ оперæ, кантатæ[d] æмæ классикон музыкæ[d]
Хорзæхтæ
великий офицер ордена Почётного легиона орден Pour le Mérite в области искусств и науки орден Святого Станислава
Автограф
Изображение автографа
ВикиКъæбицы логотип Викикъæбицы медиа

Цардафыст ивын

Россини райгуырдис 1792-æм азы 29 февралы итайлаг сахар Пезаройы. Йæ ныййарджытæ уыдысты музыканттæ (фыд уыди трубач æмæ валторнист, мад та — зарæггæнæг). Йæ сабибонтæй Джоакино ахуыр кодта зарын, стæй чембало æмæ скрипкæйыл цæгъдын, касти музыкæйы теори. Рæсугъд хъæлæсы хицау уæвгæйæ сывæллон зарыди аргъуаны хорты, оперон театры та уыди хоры дирижер æмæ аккомпаниатор. 1806–1810-æм азты Россини ахуыр кодта музыкæ Болоньяйы музыкалон лицейы. Уым йæ ахуыргæнджытæ уыдысты В. Каведаньи (виолончель) æмæ С. Маттеи (контрапункт).

1806-æм азæй Россини уыди Болонийы филармонион академийы уæнг.

Йæ фыццаг оперæ («Вексель на брак») композитор ныффыста 1810-æм азы. Дарддæры азты Джоакино иудадзыг фыста оперæтæ Венецийы æмæ Миланы театртæн.

Лицей каст фæуынæй 6 азы куы рацыди (1816 аз), уæд Россини ныффыста (20 бонмæ) йæ зындгонддæр уацмыс — оперæ «Сивильяйы хилдасæг», Бомаршейы пьесæмæ гæсгæ.

1821-æм азы Россини ракуырдта зарæггæнæг Изабеллæ Кольбаны. 1823-æм азы Лондоны Къаролы театры директоры хуындмæ гæсгæ композитор араст ис Стыр Британимæ. Уым ын фондзмæйон куыстæн фыстой 7000 фунт стерлингы бæрцæн мызд.

1824-æм азы Россини сси Парижы Итайлаг театры директор.

1829-æм азы Россини раздæхти Болонимæ. Фæлæ 1830-æм азы ноябры ногæй цæуы Парижмæ.

1836–1855 азты композитор царди Болонийы æмæ Флоренцийы, разамынд лæвæрдта Болонийы музыкалон лицейæн.

1845-æм азы фæзиан йæ фыццаг ус. Дыууæ азы фæстæ Россини ракуырдта Олимпия Пелиссьейы. 1855-æм азы музыкант æрбынат кодта Парижы. Йæ хæдзар сси сахары зындгонддæр музыкалон салонтæй иу. Джоакино Россини фæзиан 1868-æм азы 13 ноябры Парижмæ хæстæг сахар Пассийы. 1887-æм азы йæ марды буар раластой Флоренцимæ æмæ уым баныгæдтой.

Россинийы ном хæссы, йæ ныстуанмæ гæсгæ йæ райгуырæн сахары кæй сарæзтой, уыцы консерватори.

Фиппаинæгтæ ивын

  1. 1,0 1,1 Bibliothèque nationale de France идентификатор BNF (фр.): гом бæрæггæнæнты платформæ — 2011.
  2. 2,0 2,1 Gioacchino Rossini // Internet Broadway Database (англ.) — 2000.
  3. 3,0 3,1 Rossini // Internet Broadway Database (англ.) — 2000.
  4. Archivio Storico Ricordi — 1808.
  5. Grove Music Online (англ.)OUP. — ISBN 978-1-56159-263-0
  6. http://gallica.bnf.fr/ark:/12148/bpt6k6547447g/f190