Социалон информацийы агентад

АНО «Социалон информацийы агентад» — уæрæсейаг информацион агентад, гражданты социалон бæрнон архайды рухс кæныны специализаци цы кæны, уый. Кусы Мæскуыйы куыд автономон нæкоммерцион организаци 1994-æм азæй фæстæмæ. Йæ сæргълæууæг у журналист Тополева-Солдунова Еленæ. Организаци æмбырд кæны æмæ мыхуыры уадзы граждайнаг инициативæты тæххæй информаци, нæкоммерцион организацитæ, хæрзгæнæг фондтæ, инициативон къордтæ æмæ социалон амалиуæгдарты куысты тыххæй. У Уæрæсейы зæронд æмæ егъау дзыллон информацийы фæрæзтæ ацы фадыджы^[1]^[2].

Истори

Агентад бындурæвæрд æрцыд 1994-æм азы Мæскуыйы хæрзгæнæг фондтæ «Адæймаджы уд» æмæ «Алкоголизм æмæ наркоманийæн Нæ», педагогон иугонд «Арвырон» æмæ æмвæндон къорды хъæппæрисæй^[3]^[4].

1994-æм азæй «Социалон информацийы агентад» æххæст кæны уагъдон архайд: уадзы чингуытæ, брошюртæ, æрмæджыты æмбырдгæндтæ, информацион-аналитикон бюллетеньтæ æмæ æндæр электроно æмæ мыхуыргонд рауæгъдтытæ граждайнаг инициатвæты секторæн актуалон темæты фæдыл.

2003-æм азæй МПУ-йы журналистикæйы факультеты периодикон мыхуыры кафедрæимæ разæнгардæй æмкусы, социалон ДзИФ-ы парахаткæныны тыххæй тымбыл стъолтæ æххæст кæнгæйæ.

2009-æм азы агентад сæххæст кодта конференци «НКО-йæн æууæнчы фæуæлдæркæнынад: уæрæсейаг æмæ ’хсæнадæмон фæлтæрæн»^[5]^[6].

Архайд

Организацийы бындурон архайд у ног хабæрттæ æмæ аналитикон æрмæджыты рауагъд. СИА-йы хызы мидæг ис егъау нæкоммерцион организацитæ, Уæрæсейы 20 регионы цы кусынц, уый. Агентад йæхи архайды здæхты арæнты алыхуызон лæггæдтæ дæтты: рафыст формæйыл кæны æрвылбоны æмæ алкъуырион дайджестытыл, æххæст кæны ног хабæртты тематикон арвыстытæ, заказмæ гæсгæ ног хабæртты æмæ тематикон дайджестытæ цæттæ кæны. Агентады æмкусджытæ социалон организацитæн PR-лæггæдтæ дæттынц, иугæндзон æххæст кæнынц тематикон семинартæ æмæ тренингтæ.

Социалон информацийы агентад цалдæр дæлхайадон проекттæ дæр дары, æмауæдз фадгуыты цы кусынц, уый: æртыккаг секторы æнæ юридикон гоймаг профессионалтæн практикон ресурс «НКО: парахаткæнынады закъæттæ», хæрзгæнæг фондты бæрæггæнæнты базæ «Афтæ æнцонæй», бинонты сидзæрады профилактикæйы портал «Нæ сывæлæттæ», корпоративон ответственности тыххæй сайт «Бизнесы социалон бæрн», партнёрон æхсæнадон ахуыр кæныны проект «Социалон технологиты хъæрмуат».

Фиппаинæгтæ

↑ Совет по развитию гражданского общества и правам человека поздравляет «Агентство социальной информации» с 20-летием!
↑ Тополева-Солдунова Елена Андреевна(æбæлв.)(недоступная ссылка). Датæ: 2015-æм азы 13 июны. Архив 2015-æм азы 18 майы.
↑ Лаборатория социальной рекламы
↑ Опора-Кредит(æбæлв.)(недоступная ссылка). Датæ: 2015-æм азы 11 июны. Архив 2015-æм азы 18 майы.
↑ Тополева Елена, директор Агентства социальной информации, член Общественной палаты России, председатель комиссии Общественной палаты по социальным вопросам
↑ Тополева: власть и НКО объединяются для решения «детских» вопросов

Æрвитæнтæ

Социалон информацийы агентад — организацийы официалон сайт.

[1] Совет по развитию гражданского общества и правам человека поздравляет «Агентство социальной информации» с 20-летием!

[2] Тополева-Солдунова Елена Андреевна(æбæлв.)(недоступная ссылка). Датæ: 2015-æм азы 13 июны. Архив 2015-æм азы 18 майы.

[3] Лаборатория социальной рекламы

[4] Опора-Кредит(æбæлв.)(недоступная ссылка). Датæ: 2015-æм азы 11 июны. Архив 2015-æм азы 18 майы.

[5] Тополева Елена, директор Агентства социальной информации, член Общественной палаты России, председатель комиссии Общественной палаты по социальным вопросам

[6] Тополева: власть и НКО объединяются для решения «детских» вопросов

[1]

[2]

[3]

[4]

[5]

[6]