Фиголи, Эрнесто

Эрне́сто Фи́голи (исп. Ernesto Fígoli; райгуырдис 1888-æм азы 21 августы — амардис 1951-æм азы 26 июлы) — уругвайаг тренер, массажист (физиотерапевт). Уругвайы иугонд командæйы цыппар уæлахизтæм исты бар чи дардта, иунæг ахæм адæймаг (Олимпиаг хъæзтытæ 1924 æмæ 1928 азы, дунейы чемпионаттæ 1930 æмæ 1950 азы). 1924-æм азы уый разамынд лæвæрдта националон иугонд командæйæн, 1928-æм æмæ 1950-æм азы уыд тренер æмæ физиотерапевт, 1930-æм азы та уыд тренерты сконды, йæ хицау Альберто Суппичи, афтæмæй. Уый йеддæмæ Фиголи дыууæ хатты йæ командæ Хуссар Америкæйы чемпионатты уæлахизмæ æрбацæуын кодта.

Эрнесто Фиголи
Иумæйаг информаци
Фæсномыг	Matucho
Райгуырдис	1888-æм азы 21 августы(1888-08-21) Монтевидео, Уругвай
Амардис	1951-æм азы 26 июлы(1951-07-26) (62 азы) Монтевидео Уругвай
Æмбæстонад	Уругвай
Позици	размæбырсæг
Тренеры карьерæ 1918—1950 →  Пеньяроль физиотерапевт 1919 →  Уругвай физиотерапевт 1918—1922 Уругвай 1922—1923 →  Уругвай физиотерапевт 1924 Уругвай 1925 →  Уругвай ассистент 1926 Уругвай 1927—1950 →  Уругвай ассистент
Викикъæбицы медиа

Цардафыст

41-аздзыд Эрнесто Фиголи националон иугонд командæйимæ 1930-æм азы дунейы чемпионаты — лæууы фыццаг Альваро Хестидойы фарс

Эрнесто Фиголи райгуырдис Монтевидеойы сахары 1888-æм азы 21 августы. Скъола каст куы фæци, уæд йæхицæн равзæрста физиотерапевты дæсныйад. Футбол афтæ арæх нæ хъазыдис. Медиционон ахуырад куы райста, уæд кусын райдыдта Уругвайы иугонд командæйы тренерты штабы. Уæды рæстæг тренеры хæстæ æххæст кодта хъазджытæй иу, афтæ хуынд «хъазæг тренер» (уыдоны ’хсæн зындгонд футболисттæ Джон Харлей æмæ Хорхе Херман Пачеко). Уый тыххæй адæм дис кодтой, Фиголи 1920-æм азы командæйы сæйраг тренер куы сси, уæд.

Фæлæ Фиголийы фæрцы командæ рамбылдта Хуссар Америкæйы чемпионат чилиаг сахар Вальпараисойы æмæ уымæй фæстæмæ райста континенты тыхджындæр командæйы ном.

Уругвайы иугонд командæ — 1950-æм азы дунейы чемпион футболæй. 61-аздзыд Эрнесто Фиголи бады фыццаг рæнхъы рахизырдыгæй.

1924-æм азы Фиголи разамынд лæвæрдта Уругвайы иугонд командæйæн Олимпиаг хъæзтыты Францы.

1930-æм азтæй Фиголи куыста куыд командæйы физиотерапевта æмæ массажист.