Хуссар Китайы денджыз
Хуссар Китайы денджыз[1] у æрдæгæхгæд денджыз Хуссар-Скæсæн Азийы, æрдæгсакъадах Индокитай æмæ сакъадæхтæ Калимантан, Палаван, Лусон æмæ Тайваны ’хсæн. Хауы Австрали-Азийы зæххастæуы денджызы бассейнмæ, Индийы æмæ Сабыр фурдты ’хсæн.
| Хуссар Китайы денджыз | |
|---|---|
 | |
| Характеристикæ | |
| Фæзуат | 3 537 289 км² |
| Гуырахст | 3622 мин км³ |
| Стырдæр арф | 5560 м |
| Астæуккаг арф | 1024 м |
| Ран | |
| 12°11′18″ с. ш. 113°13′35″ в. д.HGЯO | |
| Бæстæ | |
 Викикъæбицы медиа | |
Йæ фæзуат у 3 537 289 км², иууыл арфдæр ран — 5560 м.
Уæлцъар доны температурæ февралы вæййы цæгаты 20 °С, хуссары та 27 °С, августы температурæ схизы 28–29 °С-мæ æгас фæзуатыл. Доны цæххы бæрц у 32-34 ‰. Сæрдыгон æмæ фæззæджы арæх вæййы тайфунтæ.
Китайæ, Японæй æмæ Уæрæсейæ Сингапуры донкъубалмæ чи цæуы, уыцы наутæ Хуссар Китайы денджызы сæ цыд аразынц Сæйраг денджызвæндагыл. Ацы фæндаг у тæккæ цыбырдæр æмæ æдасдæр.
Сæйраг денджызвæндагыл наудзугæнджытыл цы фактортæ æндавы, уыдонæй сæйрагдæр у муссонтæ, стæй сæ тынг хъыгдарынц тайфунтæ.
Хуссар Китайы денджызы стырдæр бакæлæнтæ сты Тонкины (Бакбо) æмæ Сиамы бакæлæнтæ. Дынджыр сакъадах — Хайнань.
Денджыз хъæздыг у биологон ресурстæй. Амалиуæджы кæсæгтæ сты тунец, сельд, сардинтæ æмæ æнд.
Фиппаинæгтæ
ивын- ↑ Дзагуырты Тембол. Географийы терминон дзырдуат уырыссаг æмæ ирон æвзæгтыл. Цæгат Ирыстоны АССР-ы паддзахадон рауагъдад — Орджоникидзе, 1941.