Æфцæджы дзуар

Æфцæджы дзуар – тызмæг хæххон дуаг, кæмтты æмæ æфцджыты æлдар.

Йæ зæрдæйы уагимæ баст уыдис хæхбæсты фарн. Алы комы дæр Æфцæджы дзуары номыл уыдис цалдæргай кувæндоны дуры цæндтæ. Фæндаггон адæм дзуары бынмæ хастой æртæ чъирийы, арахъхъ, фæлæ арæхдæр æвæрдтой мысайнаг – лыстæг æхца кæнæ хъуымацы гæппæлтæ. Бастой-иу сæ дзуармæ хæстæг къутæртыл кæнæ чысыл бæласыл.