Андерсен, Ганс Христиан

Ганс Христиан Андерсен (1805 азы 2 апрелы Оденсе – 1875 азы 4 августы Копенгаген) уыдис даниаг фыссæг. Кæд ма фыста пьесæтæ, бæлцыты афыстытæ, новеллæтæ æмæ æмдзæвгæтæ, Андерсен фылдæр зындгонд у йе ’ргъæутты фæрцы. Андерсены сфæлдыстад канд сывæллæттæ нæ уарзынц, фæлæ ма алы кары адæймæгтæ дæр дунейы бирæ бæстæты.

2005-æм азы посты маркæ Хъазахстанæй

Æдæппæт Андерсены æргъæуттæ сты æппынкъаддæр 3381[1], уыдонæй иуæй-иутæ тæлмацгонд æрцыдысты 125 æвзагмæ[2] æмæ систы бирæ нациты иумæйаг зонды хай.

Æппæты зындгонддæр æргъæутты ’хсæн сты «Къаролы ног дзаумæттæ», «Булæмæргъ» «Чысыл доны чызг», «Митын æхсин», «Фыдуынд бабызы цъиу»[3] æмæ ма æндæртæ. Сæ сюжеттæм гæсгæ æвæрд цæуынц спектакльтæ, балеттæ æмæ кинонывтæ дæр[4]. Ирон æвзагмæ Андерсены таурæгъты раивын байдыдта Æмбалты Цоцко, «Митын æхсин» йæ тæлмацы мыхуырæй рацыдис 1923-æм азы[3].

Андерсен йæ сабибонтæ кæм арвыста, уыцы хæдзар Оденсейы

Бæлцытæй хабæрттæИвын

1851-æм азы рухс федта Андерсены бæлцы чиныг «Швецийы». Фæстæдæр ныффыста цалдæр иннæ бæлцы чиныджы дæр: Австри, Швейцари, Испани æмæ Португалийы тыххæй. Иуæй-иу бæлцы чингуыты мидæг дæр бакодта бынæттон æргъæуттæ.


ФиппаинæгтæИвын