Бабочиты Руслан

Бабочиты Омарбийы фырт Руслан (райгуырдис 1950-æм азы, Цыколайы) у дыгурон поэт.

Бабочиты Руслан
Райгуырды датæ	1950
Райгуырæны бынат	Цыкола, Цæгат Ирыстоны АССР, Уæрæсейы СФСР, Советон Цæдис
Æмбæстонад (дæлхицауад)	Советон Цæдис  Уæрæсе
Архайды хуыз	поэт

Цардафыст

Руслан райгуырдис Цæгат Ирыстоны, Цыколайы хъæуы. Йæ райгуырæн хъæуы скъола каст куы фæцис, уæд бацыдис Цæгат Ирыстоны паддзахадон университеты филологион факультетмæ. Иуцасдæр акуыста ахуыргæнæгæй, стæй та — партион æмæ советон оргæнты. Ныртæккæ у Æрæфы районы администрацийы культурæйы хайады сæргълæууæг.

Руслан литературон куыстыл фæцалх ис, скъоладзау ма куы уыд, уæд. Йе ’мдзæвгæты фыццаг чиныг «Фиди фарнæ» рацыдис 1981-æм азы Дзæуджыхъæуы. Уый фæстæ ма рауагъта дыууæ поэтикон æмбырдгонды: «Авдæни зар» (чиныгуадзæн «Ир», 1990) æмæ «Цыколайаг изæртæ» (чиныгуадзæн «Ир», 2003).

Цитатæ

Поэт æмæ литературæиртасæг Хъодзаты Æхсар ахæм аргъ скодта Русланы сфæлдыстадæн:

Руслан бирæ нæ фыссы, фæлæ цы фыссы, уый цæуы йæ зæрдæйы æрфытæй. Йæ хуыздæр æмдзæвгæтæ семыдзаг сты уарзт æмæ мастæй. Нæ мæнг дунейы хæрам тыхты æнаккаг митæм поэтæн рафыцы йæ маст, æрдзы, царды фарнхæссæг нывтæ уынгæйæ та йæм равзæры сыгъдæг уарзондзинад. Уыцы дыууæ тыхы (хорз æмæ фыды) æнусон, æнæбафидаугæ тохы бындурыл æнцайы Бабочийы-фырты поэзи.