Балкайнаг æвзæгты цæдис

Балкайнаг æвзæгты цæдис у индоевропæйаг æвзæгты къорд, кæцыйы уæнгтæ иу къабазæй не сты, фæлæ се ’хсæн сæвзæрди бæрæг иудзинад. Уыцы иудзинады разындытæ ссардæуыдысты сæ фонологион, морфологион, синтаксикон, лексикон, дзырдарæзтон æмæ фразеологион æмвæзты.

Цæдисы уæнгтæ сты албайнаг, иуæй-иу славяйнаг, ромайнаг æвзæгтæ æмæ, къаддæр бæрцы, бердзенаг æвзаг.

Дæнцæгæн, балкайнаг æвзæгты гуырынон æмæ дæттынон хауæны формæтæ фемхуызон сты. Иухуызон сты бынаты æмæ арæзты разæгъæнтæ:

Æвзаг	«Гречъы»	«Грекъмæ»
албайнаг	në Greqi	në Greqi
аромунаг	tu Elladha	tu Elladha
болгайраг	в Гърция	в Гърция
бердзенаг	στην Ελλάδα	στην Ελλάδα
румынаг	în Grecia	în Grecia

Балкайнаг цæдисы æвзæгты фесæфти мивдисæджы æбæлвырд формæ (инфинитив). Мæнæ уыцы æвзæгтыл фыст фразæ «Мæн фæнды фыссын»:

Æвзаг	Тæлмац	Фиппаинаг
албайнаг	Dua të shkruaj
македойнаг	Сакам да пишувам
болгайраг	Искам да пиша
ног бердзенаг	Θέλω να γράψω	фæлæ рагон бердзенаг æвзагыл: βούλομαι γράψαι
румынаг	Vreau să scriu	абар: Vreau a scrie, æндæр раст формæ
сербаг	Желим да пишем	хорватагау фæзæгъынц: желим писати
туркаг æвзаджы болгайраг диалект	İsterim yazayım	нырыккон литературон туркаг æвзагыл зæгъынц æй инфинитивимæ: yazmak istiyorum

Финнаг славист Йоуко Линдстедт разæвæрдта балкайнаг миниуджыты барæн — «балканизацийы индекс». Йæ иртæстмæ гæсгæ, æппæты «балкайнаггонддæр» æвзаг у македойнаг (йæ индекс у 12):

Æвзаг	Индекс
Балканы славяйнаг æвзæгтæ	11,5
Албайнаг	10,5
Бердзенаг æмæ Балканы ромайнаг æвзæгтæ	9,5
Цигайнаг	7,5

Æддаг æрмæг

• Grey Thomason, Sarah Linguistic areas and language history(æбæлв.) (PDF) (1999).
• Tomić, Olga Mišeska The Balkan Sprachbund properties: An introduction to Topics in Balkan Syntax and Semantics(æбæлв.) (PDF)(недоступная ссылка) (2003). Датæ: 2009-æм азы 27 февралы. Архив 2003-æм азы 11 сентябры.

Литературæ

• Малый диалектологический атлас балканских языков. Под ред. А. Н. Соболева. Пробный выпуск. Muenchen: Biblion Verlag, 2003. Серия лексическая. Том I. Лексика духовной культуры. München: Biblion Verlag, 2005. Серия лексическая. Том II. Человек. Семья. München: Biblion Verlag, 2006. Серия грамматическая. Том I. Категории имени существительного. München: Biblion Verlag, 2005.
• А.Ю. Русаков, А.Н. Соболев. Субстанциально-функциональная теория балканского языкового союза и славянские языки. Санкт-Петербург, 2008.