Беджызаты Чермен
Беджызаты Дауыты фырт Чермен (райгуырдис 1898-æм азы 23 декабры Урстуалты Едысы хъæуы — амардис 1938-æм азы) у ирон фыссæг.
| Беджызаты Чермен | |
|---|---|
| Райгуырды датæ | 1898-æм азы 23 декабры |
| Райгуырæны бынат | |
| Мæлæты бон | 1938 |
| Æмбæстонад (дæлхицауад) | |
| Архайды хуыз | фыссæг, поэт |
| Сфæлдыстады азтæ | 1920 — 1934 |
| Уацмысты æвзаг | ирон |
.svg){kind=small}
Ахуыр кодта Гуры (дины ахуыргæнæндон, 1908—1914), стæй Калачы (дины семинар, 1914—1917). 1915 азы, 17 азы ыл куы цыдис, уæд райдыдта фыссын æмдзæвгæтæ.
Чермен активонæй архайдта Хуссар Ирыстоны революцион змæлды, 1918—1920 азты уыд Ручъы парторганизацийы разамонæг. Хуссар Ирыстоны советон хицаудзинад куы æрфидар, уæд куыста бирæ бæрнон бынæтты — уыдонимæ газет «Хурзæрин»-ы редакторæй, зонадон-иртасæн институты директоры хæдивæгæй, Гуырдзыстоны фысджыты цæдисы Хуссар Ирыстоны хайады сæрдарæй, журнал «Фидиуæджы» редакторæй æмæ æндæрты[1].
Чермены сфæлдыстад бирæвæрсыг у. Ирон литературæйы зынгæ бынат æрцахстой йæ уацаутæ «Бирæгътæ» æмæ «Мæсгуытæ дзурынц», драмæтæ «Чи кæй» æмæ «Октябры тырысайы бын», йæ боныг «Ссыгъди цард», радзырдтæ «Æртæ фæкасты» æмæ «Уад асаста гæды бæлас», очерктæ «Колхæдзарад», «Ихдзагъд» æмæ æндæртæ. Ирон поэзийы аккаг бынат æрцахстой Чермены фыст поэтикон уацмыстæ дæр.
Æрвитæнтæ ивын
Фиппаинæгтæ ивын
- ↑ Курдиаты хъомыс // Рæстдзинад №240, 2008 азы 24 декабрь, ф. 3.
|
Ацы уац адæймаджы тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |