Бурдухан (гуырдз. ბურდუხანი) кæнæ Бордохан (гуырдз. ბორდოხანი) уыдис Гуырдзыстоны ус-паддзах, аллон паддзах Худданы чызг æмæ паддзахы Георг III бинойнаг. Уыдис ус-паддзах Тамарæн йæ мад.

ЦардафыстИвын

Райгуырдис аллон паддзах Худданы бинонты. 1150-æм азты моймæ рацыд гуырдзиаг паддзахы фырт Георгийыл, йæ фыд Деметре I нырма удæгæс куы уыд, уыцы рæстæджы. Райгуырдта Тамары, фæстæдæр Гуырдзыстоны паддзах чи сси, уыцы. Гæнæн ис, æмæ йын æндæр чызг дæр уыд, йæ ном Русудан, фæлæ уый тыххæй ратæдзæнты фыст цæуы æрмæстдæр иу хатт.[1] Астæузаманы историктæ кад кодтой Бурдуханы æфсæрм æмæ иузæрдæдзинад. Сæ иу, «Паддзахиуæггæнджыты истори æмæ кадгæнæн»-ы æнæном автор, барста йæ чырыстон сыгъдæгтæ Александриаг Екатеринæ æмæ Иринæ-Пенелопæимæ.[2][3]

Бурдухан фæзиан йæ мойæ раздæр, 1184-æм азæй раздæр. Астæузаманы айгæйфыстытæй йеддæмæ йæ ном баззад, абон Зугдидийы Дадианийы галуаны цы музейы мидæг ис, уыцы Хобийы Мады Майрæмы иконæйыл, æмæ ма Руисийы къулыл фыст фыстæгыл, бынæттон стыр аргъуаны хæрзгæнæгæй кæм æй хонынц, ахæмы.

ФиппаинæгтæИвын

  1. Eastmond (1998), p. 108, fn. 49.
  2. Qauxčišvili/Vivian (1991), pp. 57, 107.
  3. Eastmond (1998), p. 116.