Тахъазты Фидар

Тахъазты Мæхæмæты фырт Фидар (дыгуронау Тахъазти Мæхæмæти фурт Федар; райгуырдис 1960-æм азы 4 февралы Лескены) у зындгонд ирон ахуыргонд, филологион зонæдты доктор, ирзонæг, ирон æвзаджы æнувыд иртасæг, бирæ зонадон куыстыты автор.

Тахъазты Фидар
Райгуырды датæ	1960-æм азы 4 февралы(1960-02-04) (64 азы)
Райгуырæны бынат	Лескен, Æрæфы район, Цæгат Ирыстоны АССР, Уæрæсейы СФСР, Советон Цæдис
Зонады къабаз	æвзагзонынад æмæ этнографи

Астæуккаг скъола каст фæци 1977-æм азы, уый фæстæ службæ кодта Советон Æфсады рæнхъыты. 1981-æм азы бацыдис Цæгат Ирыстоны паддазахадон университеты филологон факультетмæ, райста дзы ирон æмæ уырыссаг æвзаджы ахуыргæнæджы дæсныйад. Бирæ азты дæргъы ахуыргæнæгæй куыста Мæцутæйы, Толдзгуны, Дзæуджыхъæуы скъолаты.

Тахъазы-фырт сарæзта тæккæ хуыздæр чиныг, ирон æвзаг хæдахуырæй чи ахуыр кæны, уыдонæн («Самоучитель осетинского языка», 2004).

Уый иртаста пысылмон дины бынат традицион ирон культурæйы, йæ кандидаты диссертаци дæр уыимæ баст у, йæ темæ уыдис: «Пысылмон тæваг ирæтты фольклорыл» (уырыс. Исламские мотивы в фольклоре осетин). Тахъазы-фырт ратæлмац кодта Хъуыран дыгурон диалектмæ.

Зонадон куысты йеддæмæ, фæфыссы ма радзырдтæ æмæ æмдзæвгæтæ сывæллæтæн.

Библиографи

• Тахъазти Ф. Дигорон-уруссаг дзурдуат. Дзæуæгигъæу. 2003. 736 ф.
• Таказов Ф. М. Самоучитель осетинского языка. Ч. I и II (для начинающих). Владикавказ, 2004, 2005

Æддаг æрмæг

• Мамиева И. Его слово в осетиноведении / Газет «Северная Осетия», 2010-æм азы 27 февралы