Тетцойты Таймураз

Тетцойты Гацыры фырт Таймураз (райгуырдис 1922-æм азы Чырыстонхъæуы — амардис 2010-æм азы) у ирон (дыгурон) поэт.

Тетцойты Таймураз
Райгуырды датæ	1922-æм азы 1 сентябры(1922-09-01)
Райгуырæны бынат	Чырыстонхъæу, Хохаг Автономон Социалистон Советон Республикæ, УСФСР
Мæлæты бон	2010-æм азы 9 апрелы(2010-04-09) (87 азы)
Æмбæстонад (дæлхицауад)	Советон Цæдис
Ахуырад	Литературон институт[d]
Архайды хуыз	поэт

Цардафыст

Таймураз райгуырдис Цæгат Ирыстоны Чырыстонхъæуы. Астæуккаг скъола каст фæуыны фæстæ ахуыр кодта Дзæуджыхъæуы фистæг æфсады скъолайы. 1942 азы йæ арвыстой Фыдыбæстæйы Стыр хæстмæ. Хæсты фæстæ уыдис советон оккупацион æфсæдты къордимæ Германы зæххыл. Ирыстонмæ сыздæхтис 1946 азы æмæ куыста колхозы. 1950 азы каст фæцис ахуыргæнджыты институт, 1955 азы та — Мæскуыйы М. Горькийы номыл литературон институт. Цалдæр азы бакуыста ахуыргæнæгæй Дигорайы.

Таймуразы æмдзæвгæтæ фыццаг хатт мыхуыры фæзындысты журнал «Мах дуджы» 1949 азы. Ныффыста бирæ поэтикон чингуытæ. Сæ зынгæдæртæ сты: «Мæ уарзт æма мæ маст» (Орджоникидзе, 1963), «Мæ рæстзæрдæ æууæнкæ» (Орджоникидзе, 1974), «Уарзт æмæ лæгдзийнадæ» (Орджоникидзе, 1977), «Хуæнхаг дон» (Орджоникидзе, 1983), «Лирикæ» (Орджоникидзе, 1988), «Нифс» (Дзæуæгигъæу, 1993).