Тохты Иван
Тохты Дрисы фырт Иван (райгуырдис 1920-æм азы Дæйыхъæуы — амардис 1983-æм азы) уыдис ирон поэт.
| Тохты Иван | |
|---|---|
 | |
| Райгуырды датæ | 1920 |
| Райгуырæны бынат | Дæйыхъæу |
| Мæлæты бон | 1983 |
| Æмбæстонад (дæлхицауад) | |
| Архайды хуыз | поэт |
Цардафыст
ивынТохты Иван райгуырдис Цæгат Ирыстоны Дæйыхъæуы зæхкусæджы хæдзары. 1922-æм азы йæ бинонтæ ралыгъдысты Бæрæгъуынмæ. Иван ахуыр кодта авдазон скъолайы æмæ педтехникумы. Уый фæстæ куыста райдайæн кълæсты ахуыргæнæгæй. 1942 азы йæм фæсидтысты æфсадмæ, фæлæ йæ фæстæмæ рарвыстой — фæциc уæззау рынчын æмæ бирæ азты дæргъы, йæхи загъдау, уыд æдзухъом. Йæ уацмысты æххæстдæр æмбырдгонд рацыдиc 1980 азы, «Азтæ», зæгъгæ, ахæм номимæ.
Иваны æмдзæвгæ
ивын- ***
- Хъысмæтæй чи вæййы æфхæрд,
- Æрмæст æм уый æрхæссы азым.
- Фæйлауынц бæстыл уалдзæг, сæрд,
- Æз та æдзухъомæй дзыназын.
- Фæкæнын сагъæстæй æнкъард,
- Фæлæ мыл ма фæхуд, ныййарæг.
- Зæгъын дын: адджын мын у цард,
- У цардæй адджындæр та — зарæг.
Уацмыстæ
ивын- Мæ зæрдæйы уаг. Æмдзæвгæтæ. Орджоникидзе, 1959;
- Зыдыка æмæ тæппудтæ. Æмдзæвгæтæ. Орджоникидзе, 1963;
- Смерти не будет. Стихи. Перевод с осетинского. Орджоникидзе, 1963;
- Дæ бирæ дзæбæхтæ. Æмдзæвгæтæ. Орджоникидзе, 1969;
- Æфсиртæ. Æмдзæвгæтæ. Орджоникидзе, 1976;
- Азтæ. Æмдзæвгæтæ. Орджоникидзе, 1980.
Литературæ
ивын- Красовская Г. В строю. «Социалистическая Осетия», 1960, 22 ноября;
- Дзасохты М. Победивший в борьбе. «Социалистическая Осетия», 1963, 23 дек.;
- Цæрукъаты А. Æхсардзинады поэзи. «Мах дуг», 1977, № 1.