Зигмунд Фрейд (нем. Sigmund Freud, æххæст ном Сигизмунд Шломо Фрейд, нем. Sigismund Schlomo Freud; 1856-æм азы 6 майы, Фрайберг, Австри-Венгри (нырыккон Пршибор, Чехи) — 1939-æм азы 23 сентябры, Лондон) уыд австриаг психолог, психиатр æмæ невролог, психоанализы бындурæвæрæг.

Зигмунд Фрейд 1922-æм азы

Фрейд цардис Австрийы. Аншлюс (Герман æмæ Австрийы баиугæнд) куы æрцыдис, Фрейды бинонтæм æрбацыдысты гестапойæгтæ. Венæ нал уыдис æдас бынат дзуттаг бинонтæн, æмæ уыдон ралыгъдысты Англисмæ 1938-æм азы. Лондоны Фрейд бирæ тухитæ кодта къуыдилыйæ, æмæ та 1939-æм азы уый фæкуырдта йе ’мбал Макс Шуры, цæмæй ын радтаид морфины егъау дозæ — уæды рæстæг эвтаназийы идейæ популярон уыдис — æмæ уымæй 83-аздзыд Фрейд амардис 1939-æм азы 23 сентябры.