Хъайтыхъты Геор

Хъайтыхъты Геор (райгуырдис 1911-æм азы 11 ноябры Ходыхъæуы — амардис 2002-æм азы 6 январы) у Цæгат Ирыстоны адæмон поэт, Хетæгкаты Къостайы номыл паддзахадон премийы лауреат.

Хъайтыхъты Геор
Райгуырды датæ	1911-æм азы 11 ноябры(1911-11-11)
Райгуырæны бынат	Ход, Уæрæсе
Мæлæты бон	2002-æм азы 6 январы(2002-01-06) (90 азы)
Мæлæты бынат	Дзæуджыхъæу, Уæрæсе
Æмбæстонад (дæлхицауад)	Уæрæсейы импери  Советон Цæдис  Уæрæсе
Архайды хуыз	фыссæг, поэт
Сфæлдыстады азтæ	1927 —
Уацмысты æвзаг	уырыссаг
Хорзæхтæ

Цардафыст

Геор райгуырдис 1911-æм азы Цæгат Ирыстоны Ходыхъæуы. 1929-æм азы каст фæци Ирон педагогон техникум, 1932 азы — Хæххон педагогон институт, 1936-æм азы та — Мæскуыйы историйы, философийы æмæ литературæй институты аспирантурæ.

1941-æм азы августæй фæстæмæ Хъайтыхъты Геор уыди Фыдыбæстæйы Стыр хæсты. 1943-æм азы сентябры йæ сæры уæззау цæфы фæстæ йæ æфсадæй рарвыстой. Хæсты размæ æмæ хæсты фæстæ Геор Мæскуыйы æмæ Цæгат Ирыстоны уæлдæр ахуыргæнæндæтты куыста философийы ахуыргæнæгæй. 1963-1970 азты уыд Цæгат Ирыстоны Фысджыты цæдисы сæрдар.

Хъайтыхъты Геор ирон æвзагмæ раивта Пушкины, Лермонтовы, Некрасовы, Шевченкойы, Маяковскийы, Есенины, Тихоновы æмæ ’ндæрты уацмыстæ. Поэты æмдзæвгæтæ тæлмацгонд сты уырыссаг, украинаг, белоруссаг, гуырдзиаг, кæсгон, балхъайраг, цæцæйнаг, мæхъхъæлон, немыцаг, болгайраг, венгриаг æмæ æндæр æвзæгтæм.