Чахкиев, Саид Идрисы фырт
Чахкиев Идрисы фырт Саид (мæхъхъ. Чахки Саид Идриса воI; райгуырдис 1938-æм азы 22 январы Насыр-Корты, амардис 2008-æм азы октябры[1]) у мæхъхъæлон фыссæг, поэт, драматург, культурæйы архайæг. 1963-æм азæй фæстæмæ уыдис ССРЦ-ы Фысджыты цæдисы уæнг.
| Саид Идрисы фырт Чахкиев | |
|---|---|
| Райгуырды датæ | 1938-æм азы 22 январы |
| Райгуырæны бынат | |
| Мæлæты бон | 2008-æм азы 30 октябры (70 азы) |
| Æмбæстонад (дæлхицауад) | |
| Архайды хуыз | фыссæг, поэт |
| Сфæлдыстады азтæ | 1960 — |
| Уацмысты æвзаг | мæхъхъæлон |
Фыста сывæллæттæн (уырыссаг тæлмацы рацыдис йæ чиныг «Идиг, Мадиг æмæ гыццыл чызг» (уырыс. «Идиг, Мадиг и маленькая девочка»), æппæлыдæуыдис йæ поэтикон сфæлдыстад[2]. Мæхъхъæлон æвзагмæ тæлмац кодта дæсгай авторты æмдзæвгæтæ.
Чахкиев ныффыста æртæ романы: «Сыгъзæрин цæджындзтæ» (мæхъхъ. Дошо бIоагIий, 1963, мæхъхъæлон литературæйы фыццаг роман[3]), «Æрмæстдæр афтæ» (мæхъхъ. Иштта мара, 1967) æмæ «Бирæгъты æхсæвтæ» (мæхъхъ. Бертий бийсаш, 1970).
Чахкиев куыста бирæ бæрнон бынæтты, уыдоны ’хсæн: Мæхъхъæлы ахсджиагдæр газет «Сердало»-йы сæйраг редактор, Цæцæн-Мæхъхъæлы АССР-йы радио æмæ телеуынынады комитеты сæйраг редактор, куклаты республикон театры директор, альманах «Хæхты райсом»-ы («Лоаман Iуйре») сæйраг редактор, сывæллæтты журнал «Арвырон»-ы («СелаIад») сæйраг редактор, Мæхъхъæлы Республикæйы Фысджыты цæдисы сæрдар, Мæхъхъæлы Республикæйы культурæйы министр.
Æддаг æрвитæнтæ
ивын- Чахкиев Саид Идрисович (уырыс.)
- Виктор Котляров. Суть Саида Чахкиева (уырыс.)
Фиппаинæгтæ
ивын- ↑ Magas.ru. 2008.10.30 Архивгонд æрцыдис 29 майы 2019 азы.
- ↑ «...для меня Саид Чахкиев в первую очередь поэт. Поэт глубокий, чистый, светлый...» / Виктор Котляров. Суть Саида Чахкиева
- ↑ БСЭ, том 29, стр. 516. Москва, 1978