Аластани

Аластани (гуырдз. ალასტანი, сом. Ալաստան) у хъæу Гуырдзыстоны Ахалкалачы муниципалитеты.

Хъæу
Аластани
гуырдз. ალასტანი
41°32′49″ с. ш. 43°24′03″ в. д.
Паддзахад	Гуырдзыстон
Регион	Самцхе-Джавахети
Муниципалитет	Ахалкалачы муниципалитет
Истори æмæ географи
Сахатон таг	UTC+4:00
Цæрджытæ
Цæрджытæ	641 адæймаджы (2014)

Æрбынат и историон Джавахеты бæстæйæн йæ цæгат-ныгуылæн хайы, Ахалкалачы сахарæй 20 километры. Йæ хæстæгдæр цæрæнрæттæ сты Гокъио æмæ Варевани.

Национ скондмæ гæсгæ цæрынц дзы сомихæгтæ, кæцытæ 1829-1830 азты уырдæм рацыдысты Ныгуылæн Сомихыстоны (Осмайнаг империйы мидæг историон бæстæ) Эрзурумы облæстæй. Æппæтæй та 1829-1830 азты, архиепископ Карапет Багратунийы сидтмæ хъусгæйæ æмæ йæ сæрдариуаджы бын, 50 мин эрзурумаг сомихæгты (7298 бинонты) æрцардысты Ахалцихе, Ахалкалак, Богдановкæ, Цъалкъа, Лори-Памбак æмæ Шорагялы. 25 бинонты, 200 адæймагмæ ’ввæхс, æрцардысты нырыккон Аластанийы.

Йæ историмæ гæсгæ у Гуырдзыстоны рагондæр хъæутæй сæ иу. XIII-XIV æнусты уыцы ран уыдис галуын, гуырдзиаг æлдарты æмæ паддзæхты цæрæн бынат. Гуырдзиаг паддзах Георги IV хицауиуæг кодта уыцы хъæуы.