Грозна

Грозна
	Сахар
Грозна
	цæц. Соьлжа-ГIала; уырыс. Грозный
Тырыса	Герб
	43°19′ ц. у. 45°42′ с. д.HGЯO
Паддзахад	Уæрæсе
Федерацийы субъект	Цæцæн
Сахары зылд	Грозна
Истори æмæ географи
Бындурæвæрд	1818
Сахар кæдæй	1869
Фæзуат	324,16 км²;
Сахатон таг	UTC+3:00
Цæрджытæ
Цæрджытæ	↗328 533 адæймаджы (2021)
Цифрон идентификатортæ
Телефонон код	+7 8712
Посты индекстæ	364000-364099
	grozmer.ru
	Викикъæбицы медиа

Грозна (цæц. Соьлжа-ГIала: «Сунжæйы сахар», уырыс. Грозный) у Уæрæсейы сахар, Цæцæны Республикæйы сæйраг сахар. Цæрынц дзы 291,7 мин адæймаджы (2017). Сахар лæууы цæугæдон Сунжæйы фæйнæфарс.

ИсториИвын

Сахар райрæзтис, йæ бынаты цы Грознайы фидар уыдис, уыцы ран. Фидарæн та йæ бындур æрæвæрдта инæлар Ермолов 1818-æм азы. Службæ дзы кодтой Лев Толстой æмæ Михаил Лермонтов. 1893-æм азы Грознайы цур райдыдтой нефт къахын, æмæ сахар сси ахсджиаг индустрион центр.

Цæцæны быцæуы рæстæг сахар стыр зиан баййæфта (1994, 1996 æмæ 1999 азты). Ныр та йæ ногæй рацаразынц.

2007-æм азы мартъийæ сахары администрацийы хицау у Муслим Хучиев, политикон парти «Иугонд Уæрæсе»-йы Цæцæны хайады сæргълæууæг.

2008-æм азы октябры Грознайы байгом Европæйы стырдæр мæзджыт — «Цæцæны зæрдæ». Мæзджыт хæссы президент Ахмат Кадыровы ном. Мæзджыты аразынæн стыр æххуыс кодтой туркæгтæ: йæ къултæ сты туркаг мармæрæй æмбæрзт, мидæгæй дзы ис туркаг фирмæ «Устун Авизе»-йы конд 36 люстрæйы. Мæзджыт цы зæхх ахсы, уымæн йæ фæзуат у 14 гектары.