Польшæ

Польшæйы Республикæ
Польшæйы Республикæ
	Rzeczpospolita Polska
Тырыса	Герб
	Гимн: «Mazurek Dąbrowskiego»
Официалон æвзаг	польшæйаг
Сæйраг сахар	Варшавæ
Стырдæр сахартæ	Варшавæ, Краков, Щецин, Лодзь, Вроцлав, Познань, Гданьск
Хицауиуæджы хуыз	Республикæ
	Территори
• Æдæппæт	312 679 км²
• Доны уæлцъары %	2,65
	Цæрджытæ
• Бахыгъд	38 483 957 ад.
• Æнгомад	123 ад./км²
	ÆМП
• Æдæппæт (2013)	513,934 млрд. долл.
Валютæ	злотый (PLN)
Интернет-домен	.pl
Код ISO	PL
ÆОК-ы код	POL
Телефонон код	+48
Сахатон таг	CET (UTC+1, сæрды UTC+2)
	Викикъæбицы медиа

По́льшæ (пол. Polska), официалон ном у Польшæйы Республикæ (пол. Rzeczpospolita Polska [ʐɛt͡ʂpɔspɔˈlʲita ˈpɔlska]), у астæуккаг Европæйы парламентон республикæ. Æмарæн у Уæрæсейы Калининграды облæстимæ цæгаты, Украинæ, Беларусь æмæ Литваимæ скæсæны, Чехи æмæ Словакиимæ хуссары æмæ Германимæ ныгуылæны. Уый йеддæмæ ма йын цæгаты ис Балты денджызмæ ахизæн. Польшæйы сæйраг æмæ стырдæр сахар у Варшавæ. Йæ зæххыты фæзуат у 312 679 квадратон километры, æмæ уымæ гæсгæ у Европæйы фарæстæм стырдæр бæстæ. 38,5 милуан цæрæгимæ та у Европæйы Цæдисы 6-æм цæрæгджындæр бæстæ. Польшæ у НАТО æмæ Европæйы Цæдисы уæнг.

Польшæ дихгонд у 16 воеводæйадыл.

Истори

Польшæйаг паддзахады бындурæвæрды азыл нымад у 966-æм аз, Мешко I чырыстонад куы райста, уыцы рæстæг. 1025-æм азы Польшæ къаролад сси. 1569-æм азы, Литвайы Стыр кънйазадимæ баиугондæй Польшæ сси Речь Посполитæйы хай. 1795-æм азмæ æртæ радихы фæстиуæгæн Польшæйы зæххытæ рауæрстæуыдысты Австри, Прусси æмæ Уæрæсейы ’хсæн æмæ 1918-æм азы онг польшæйаг паддзахад нæ уыдис æппын. 1918-æм азы Польшæйы республикæ рацарæзтæуыд ногæй.

Кæд æмæ Польшæ стыр зиан баййæфта Дыккаг Дунеон хæсты рæстæг, уыцы хæсты фæстиуæгæн йæ фæзуат дзæвгар фестырдæр и Силези æмæ Скæсæйнаг Пруссийы зæххытæ байсынæй.