Осмиев, Хамзат Сосийы фырт

Осмиев Сосийы фырт Хамзат (мæхъхъ. Осминаькъан Сосе Хьамзат; райгуырдис 1909-æм азы Тъойыхъæуы — амардис1981-æм азы 11 январы) уыд зындгонд мæхъхъæлон фыссæг, тæлмацгæнæг, журналист, фольклорист, ахуыргæнæг.

Хамзат Сосийы фырт Осмиев
Райгуырды датæ	1909
Райгуырæны бынат	Тъойыхъæу, Назраны район, Мæхъхъæлы автономон облæст, Цæгат Кавказы край[d], Уæрæсейы СФСР
Мæлæты бон	1981
Æмбæстонад (дæлхицауад)	Уæрæсейы импери  Советон Цæдис
Архайды хуыз	фыссæг

Хамзат Сосмиев райгуырдис зæхкусджыты бинонты ’хсæн. Йæ фыд, дам, йæ райгуырдыл скодта стыр куывд, уый тыххæй æмæ Хамзат сси йæ фыццаг фырт цыппар чызджыты фæстæ. Кæсын-фыссын базыдта йæ райгуырæн хъæуы.

1924-æм азы Осмиев ахуыр кæнынмæ бацыдис, Дзæуджыхъæуы чи байгом ис, уыцы Мæхъхъæлон педагогон техникуммæ. Иу азы фæстæ уый газет «Сердало»-мæ фыссын райдыдта. Фæстæдæр, техникум каст фæуыны фæстæ, куыста уыцы газеты бæрнон нымæрдарæй.

Депортацийы рæстæг Хамзат Осмиев куыста хъæууон скъолайы ахуыргæнæгæй. 1955-æм азы Хъиргъиз æмæ Хъазахстаны райдыдта мæхъхъæлон æвзагыл чингуыты рауагъд. Уæд 1955-1957 азты Осмиев куыста мæхъхъæлон литературæйы консультантæй Хъазахы ССР-йы фысджыты цæдисы.

Хамзат Осмиев фыста цыбыр радзырдтæ. Йæ уацмысты тæлмацтæ рухс федтой литературон журналты: «Дружба народов», «Дон», «Огонёк», «Нева», «Наш современник», «Советский Казахстан».

Осмиев хорзæхджынгонд æрцыдис бирæ майдантæй æмæ «Кады нысан»-ы орденæй.

Æддаг æрмæг

• Газет «Ингушетия». Осмиевы биографи (уырыс.)