Осхъопила
Осхъопила[1] (гуырдз. ოსყოფილა), ома «раздæры ирон», кæнæ та наосари (гуырдз. ნაოსარი, «ирæттæй рацæуæг») у гуырдзиаг дзырд, кæцы амоны, хуссар ирæттæй хохæй быдырмæ чи ралыгъди æмæ Гуырдзыстоны цард æмæ æгъдæуттыл чи сахуыр кодта, ахæмты[2].
Раздæр, Октябры революцийы онг, уыцы ныхасæн уыди æндæр нысаниуæг, ацы дзырдæй пайда кодта Гуырдзиаг еклези, æмæ уый амыдта, гуырдзиаг аргъуанæй дзуарæфтыд чи уыдысты, ахæм ирæтты: гуырдзиаг аргъуанмæ гæсгæ йе ’ууæнк чырыстæттæ иууылдæр уыдысты гуырдзиæгтæ, аргъуанæн йæ иунæг æвзаг уыди гуырдзиаг, ирон адæм та уымæй чырыстоныл нымад нæ уыдысты, фæлæ «муртаккон» диныл хæст адæмыхаттыл.[3]
Ныртæккæ ацы ныхасæй арæх пайда кæнынц ирæттæ сæхæдæг[4].
Ирæттæй рацæугæ иуæй-иу мыггæгтæ бынтон ассимиляцигонд сысты æмæ ныртæккæ нымад сты гуырдзиаг мыггæгтыл. Ахæм мыггæгтæй рацыдысты Советон Цæдисы разамонæг Иосиф Сталин æмæ «Цхинвалы диктатор» меньшевик Къоста Хъазишвили.
Фиппаинæгтæ
ивын- ↑ Цгоев Т.В. Иверская (Моздокская) икона Божией Матери: отдельные вопросы происхождения и дальнейшей истории (часть 2). Бюллетень Владикавказского института управления №54 — Владикавказский институт управления, 2018
- ↑ Штырков С. А. Академическое религиоведение и антиколониальный протест: случай осетинского нативистского активизма
- ↑ Г. Тогошвили в книге "Грузино-осетинские взаимоотношения в ХV-ХVШ вв.": Изд. «Сабчота Сакартвело», Тбилиси, 1969, стр. 205
- ↑ Зæгъæм, ацы ЖЖ-тексты.
|
Ацы уац историйы тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |