РЦИ — Аланийы индустрийы сгуыхт кусæг

Кадджын ном «РЦИ – Аланийы индустрийы сгуыхт кусæг» у Республикæ Цæгат Ирыстон — Аланийы паддзахадон хæрзиуæг.

Дæттынц æй:

  • индустрийы æппæт къабæзты (уыимæ энергетикæйы, бастдзинады, хомагкусæг индустрийы æмæ хъæды хæдзарады) куыстуæтгы æппынкъаддæр 15 азы чи бакуыста, стæй куыстадон пълантæ æмæ продукцийы рауагъд фæпарахат кæныны фæдыл проекттæ афойнадыл æмæ хæрзхъæдæй æххæст кæныны, фæллойы æнтысындзинад æмæ куыстады ахадындзинад фæфылдæр кæныны, уагъд продукцийы хиаргъ фæаслам кæныны, зонад æмæ техникæйы раззаг технологитæй куыстады пайда кæныны, материалон-техникон бындур фидар кæныны æмæ нывыл экологион уавæртæн фадæттæ саразыны хъуыддаджы уæлдайдæр чи фесгуыхт, уыцы дæсны кусджытæн æмæ хицауиуæггæнæг адæймæгтæн;
  • бирæ азты дæргъы æнтыстджынæй æрхъуыдыгæнæн, кæнæ рационализаторон куыст чи æххæст кæны, уыцы кусджытæн æмæ инженерон-техникон специалисттæн, стыр экономикон пайда чи дæтты, зонадон-техникон прогресс фæрæвдз кæнынæн, фæллойы æнтысындзинад фæфылдæр кæнынæн, продукцийы хъæд, фæллойы æмæ æдасдзинады техникæйы уавæртæ стæй экологион уавæр фæхуыздæр кæнынæн чи ахъаз кæны, ахæм ахсджиаг æрхъуыдыдзинæдты æмæ рационализаторон фæндæтты тыххæй.

Кадджын ном дæттыны фæтк бæлвырд кæны Республикæ Цæгат Ирыстон — Аланийы закъон «РЦИ – Аланийы паддзахадон хæрзиуджыты тыххæй».