Тюркаг æвзæгтæ
Тюркаг æвзæгтæ сты, кæрæдзиимæ хæстæгдзинад чи æййафы, ахæм æвзæгты къорд. Сæ дзурджытæй фылдæр цæрынц Европæ æмæ Азийы алыхуызон бæстæты, æдæппæт дзурджыты нымæц у 157 милуан адæймаджы бæрц (2005-æм азы аргъгонд), сæ фылдæр сты туркаг æвзагыл дзурджытæ (70 милуанæй фылдæр).

Тюркаг æвзæгтæ кæм хæлиугонд сты, уыцы регионты стыр тæваг дардтой æндæр æвзæгтыл. Цæгат Кавказы æвзæгты дæр (уыимæ ирон æвзаджы дæр) ис бирæ тюркаг æрбайсгæ дзырдтæ.
Тюркаг æвзæгтæ чи иртасы, уыцы æвзагзонынады къабаз хуыйны тюркологи.