Финляндийы бакæлæн

Финляндийы бакæлæн кæнæ Фины бакæлæн (уырыс. Финский залив, фин. Suomenlahti, эст. Soome laht) у бакæлæн Балты денджызы скæсæны, йæ былтыл æрбынат кодтой æртæ паддзахады: Финлянди, Уæрæсе æмæ Эстони. Бакæлæнæн йæ ном равзæрдис, XVIII æнусы финнæгтæ кæм цæрынц, уыцы бæстæйы номæй.

Финляндийы бакæлæн
уырыс. Финский залив, фин. Suomenlahti, эст. Soome laht, швед. Finska viken
Характеристикæ
Фæзуат	29 500 км²
Стырдæр арф	121 м
Астæуккаг арф	38 м
Бассейн	420 000 км²
Ран
59°53′00″ с. ш. 26°06′00″ в. д.
Хистæр акватори	Балты денджыз
Бæстæтæ	Уæрæсе Финлянди Эстони
Финляндийы бакæлæн
Викикъæбицы медиа

Финляндийы бакæлæны фæзуат у 29,5 мин км², дæргъмæ у 420 км, уæрхмæ 70—130 км, рæстæмбис арфад — 38 м (максималон — 100 м).

Бакæлæны былтыл ис цалдæр сахары:

• Уæрæсейы: Бетъырбух, Кронштадт, Сестрорецк, Зеленогорск, Приморск, Ломоносов, Сосновый Бор, Выборг, Петергоф, Усть-Лугæ;
• Финляндийы: Хельсинки, Коткæ, Ханко;
• Эстонийы: Таллин, Силламяэ, Нарвæ-Йыэсуу.

1996-æм азы уавæрмæ гæсгæ Финляндийы бакæлæны Уæрæсейы хайы ис, дæлдон чи фæцис, ахæм 5000 объекты бæрц. Уыдонæй 2500 сты наутæ, 1500 — хæдтæхджытæ, æндæртæ сты сурзæххон транспортон фæрæзтæ (хæдтулгæтæ, танктæ) æмæ алыхуызон объекттæ (сармадзантæ, науæнгуыртæ).

Хæдзарадон ахадындзинад

Уæрæсейы территорийыл чи æрбынат кодта, Финляндийы бакæлæны уыцы портты сæйрагдæртæ сты:

• Бетъырбух (уæргъты æппæт хуызтæ),
• Кронштадт (товарты контейнерон лæстытæ),
• Ломоносов (генералон уæргътæ, контейнертæ, згъæртæ),
• Выборг (генералон уæргътæ),
• Приморск (нефт æмæ нефты продукттæ),
• Высоцк (нефты продукттæ æмæ æвзалы),
• Усть-Лугæ (генералон, цырхт, хъæдæрмæджы уæргътæ, æвзалы æмæ контейнертæ);

Финляндийы территорийыл —

• Хельсинки (контейнертæ),
• Коткæ (контейнертæ, хъæдæрмæг, хъæууонхæдзарадон продукци, уæрæсейаг товартæ ласынæн сæйраг траспортивæн порт),
• Ханко (контейнертæ, автомобильтæ),
• Турку (контейнертæ, æфсæнвæндагон быран);

Эстонийы территорийыл —

• Таллин (хор, рефрижератортæ, нефт),
• Силламяэ.

Ныртæккæ Финляндийы бакæлæны кусынц мæнæ ацы быранвæндæгтæ:

• «Silja Line». Маршруттæ: Хельсинки (Финлянди) — Мариехамн (Аланды сакъадæхтæ) — Стокгольм (Швеци), Хельсинки (Финлянди) — Таллин (Эстони).
• «Viking line». Маршруттæ: Хельсинки (Финлянди) — Мариехамн (Аланды сакъадæхтæ) — Стокгольм (Швеция), Хельсинки (Финлянди) — Таллин (Эстони).
• «Tallink». Маршрут Хельсинки (Финлянди) — Таллин (Эстони), Таллин (Эстони) — Мариехамн (Аланды сакъадæхтæ) — Стокгольм (Швеци), Палдиски (Эстони) — Каппельшер (Швеци).
• «Finnlines». Быранылласæг европæйаг стырдæр компанитæй иу. Ласы адæмы æмæ товартæ ахæм бæстæты ’хсæн: Бельги, Герман, Норвеги, Швеци, Финлянди æмæ Уæрæсе.
• «Superfast Ferries» «Tallink»-ы уылты. Маршрут Таллин (Эстони) — Ханко (Финлянди) — Росток (Герман).
• «Eckeroline». Маршрут Хельсинки (Финлянди) — Таллин (Эстони).
• «SuperSeaCat». Маршрут Хельсинки (Финлянди) — Таллин (Эстони).
• «Георг Отс». Маршрут Калининград (Уæрæсе) — Бетъырбух (Уæрæсе).

Бакæлæны был Комаровомæ ’ввахс	Хельсинкимæ ’ввахс сакъадæхтæ	Таллины аргъуан Олевистейы сæрæй уынд	Кæсагахсджытæ бакæлæны ихыл