Бетъырбух

Бетъырбух, нырыккон мыхуыры арæхдæр Санкт-Петербург (уырыс. Санкт-Петербург) у Уæрæсейы империйы кæддæры сæйраг сахар, Нева Финнаг бакæлæнмæ кæм æфты, уыцы ран. Абон дæр Уæрæсейы мидæг Бетъырбух тынг ахадгæ сахар у, бæстæйы дыккаг стырдæр. Бетъырбух у, йæ цæрджыты нымæц иу милуанæй фылдæр кæмæн у, дунейы ахæм цæгатагдæр сахар. Цæрынц дзы 5 милуан адæймагæй фылдæр.

Сахар Бетъырбух уырыс. Санкт-Петербург Тырыса Герб Паддзахад Уæрæсе Федерацийы субъект Бетъырбух Координатæтæ 59°57′ ц. у. 30°19′ с. д. Бындурæвæрд 1703 Раздæры нæмттæ 1914 азы онг — Санкт-Петербург 1924 азы онг — Петроград 1991 азы онг — Ленинград Фæзуат 1439 км² Центры бæрзæнд 3 м Цæрджытæ ↘5 377 503 адæймаджы (2022) Æнгомад 3847,52 ад./км² Сахатон таг UTC+3 Телефонон код +7 812 Посты индекстæ 190000—199406 Автомобилон код 78, 98, 178 Сайт https://www.gov.spb.ru/ (уырыс.)  Викикъæбицы медиа

Бетъырбух хæссы Хъæбатыр сахары кадджын ном, йе сконды ис æртæ Хæстон намысы сахары (Кронштадт, Колпино, Ломоносов).

Æрæджы Бетъырбухмæ ралидзын кодтой Уæрæсейы Федерацийы Конституцион тæрхондон.

Бетъырбух. Зымæгон галуан

Цæугæдон Мойкæ

Боныхъæд

Боныхъæд у ромыл æмæ уымæл. Хурджын бонты растæмбис нымæц афæдзы дæргъы у 62. Зымæгон бонтæ сты иттæг талынг, фанартæ судзынц суткæйы 18 сахаты.

Истори

1703-æм азы 27 майы паддзах Пётр I указмæ гæсгæ Пётр æмæ Павелы гæнахæн йæ бындур сæвæрдтой Невайы дельтæйы. Уыцы цау нымад у Бетъырбухы бындурæвæрды боныл.

Фыдыбæстæйы Стыр хæсты рæстæг уыдис Ленинграды блокадæ.

1955-æм азæй кусы Бетъырбухы метро.

Бетъырбухы бынат ирон культурæйы

Бетъырбух ахсы зынгæ бынат нырыккон ирон культурæйы. Ам ахуыр кодтой Хетæгкаты Къоста, Брытъиаты Елбыздыхъо, Абайты Васо æмæ бирæ æндæртæ. Ам XX æнусы райдиан мыхуырæй цыдис фыццаг ирон журналтæй иу — «Хуры тын», зæгъгæ (йæ редактор уыди Брытъиаты Е.).

Ныр дæр Бетъырбухы бирæ ирæттæ цæрынц. Ис дзы Цæгат Ирыстоны минæварад æмæ ирон æхсæнад дæр.

Æддаг æрмæг

• Iriston.ru: ирон диаспорæтæ (ис дзы Бетъырбухы тыххæй хайад дæр)