Бичерахты Лазæр

Бичерахты Федыры фырт Лазæр (1882-æм азы 15 ноябры, Бетъырбух — 1952-æм азы 22 июны, Дорнштадт, Герман) уыдис ирон равзæрды уæрæсейаг æфсадфæтæг, Фыццаг дунеон хæсты æмæ Уæрæсейы мидхæсты æрхайæг.

Бичерахты Лазæр
Райгуырды датæ	15 (27) ноябры 1882
Райгуырæны бынат	Бетъырбух, Уæрæсейы импери
Мæлæты датæ	1952-æм азы 22 июны(1952-06-22) (69 азы)
Мæлæты бынат	Дорнштадт, Герман
Æфсæдты хуыз	кавалери[d]
Æфсæддон куысты азтæ	1909—1919 1944—1945
Хуындад	старшина[d] æмæ инæлар-майор[d]
Хорзæхтæ æмæ премитæ

Цардафыст

Бичерахты Лазæр райгуырдис 1882-æм азы 15 ноябры, дыгурон равзæрды хъазахъхъаг афицеры бинонты. Каст фæци фыццаг æцæг ахуырдон Бетъырбухы æмæ Алексейаг хæстон ахуырдон Мæскуыйы. Службæ кодта фыццаг Хæххон-Мæздæггаг полчъы (1911-1915). 1915-1918 азты лæггад кодта инæлар Баратовы экспедицион корпусы Персы æмæ уыди Терчы хъазахъхъаг балы сæргълæууæг. Хорзæхджын æрцыд Сыгъдæг Георгийы 4-æм æмæ 3-æм къæпхæны ордентæй, Георгийы хæцæнгарзæй æмæ Сыгъдæг Владимиры 4-æм къæпхæны орденæй æд бант æмæ æхсæргардтæ.

1918-æм азы райдианы Персы сарæзта англисæгтæн лæггад чи кодта, ахæм бал иу мин адæймаджы бæрцæй. 1918-æм азы июлы ацы бал порт Энзелийы фæстæ денджызæй Бакумæ рацыдис æмæ туркаг-азербайджайнаг æфсадæй горæт чи хъæхъхъæдта, уыцы æфсады скондмæ бацыди.

Хайæд иста Бакуйы коммунæйы хицæуады раппæрсты (1918-æм азы 31 июлы) æмæ Центрокаспийы Диктатурæйы хицæуады æрæвæрæны. Уый фæстæ Лазæр снынан уыд æфсæдты сæйрæг командæгæнæгæй. Августы райдийæны Бакумæ рацыдис инæлæр Денстервилы чысыл англисаг бал.

Туркаг-азербайджайнæг æфсæдтæ Бакумæ цæуын куы райдыдтой, уæд Бичерахы-фырт йæ балимæ фæстæмæ Дагъистанмæ ацыдис, æмæ уым райста Дербент æмæ Петровск-Порт (нырыккон Махачкала). 1919-æм азы январы Бичерахы-фырты бал Батуммæ арвыстой æмæ 1919-æм азы апрелы йæ ауагътой. Йе сконд æмæ мулк УХХТ-ы баххæст кæнынмæ арвыстой.

1920-æм азы фæсарæнмæ алыгъдис Стыр Британимæ. 1928-æм азæй цардис Германы.

Амардис 1952-æм азы Дорнштадты, Ульмы цур.

Литературæ

• Безугольный А. Ю. Генерал Бичерахов и его Кавказская армия. 1917-1919. — Мæскуы: Центрполиграф, 2011. — (Россия забытая и неизвестная. Золотая коллекция). — 416 с. — ISBN 978-5-227-02536-4.