Олимпиус инферно (фильм)

«Олимпиус инферно» — у 2008-æм азы Хуссар Ирыстоны хæсты хабæрттыл ист аивадон киноныв.

Олимпиус инферно
Жанр тохæн фильм, драмæ
Режиссёр Игорь Волошин
Сценарийы
автор
Денис Родимин
Николай Попов
Алексей Кублицкий
Станислав Довжик
Сæйраг рольты Полинæ Филоненко
Дэвид Генри
Оператор Игорь Гринякин
Кинокомпани Production Value
Даргъад 85 минуты
Паддзахад УæрæсеАбхаз
Æвзаг уырыссаг
Аз 2009
IMDb ID 1639405

Фильмы сюжет ивын

Фильм райдайы режиссёр æмæ сценаристы ныхасæй: сценарист режиссёрмæ дзуры, «тыхджын» сюжет Хуссар Ирыстоны хæсты тыххæй аивадон фильмы исынæн кæй ис. Дарддæр цæуы «фильмы мидæг фильм», кæцыйы нывæст цæуы йæ уыцы сюжет.

Майкл — у æрыгон энтомолог АИШ-æй. Женя та — æрыгон журналист Уæрæсейæ. Уыдон, кæддæр, иумæ ахуыр кодтой скъолайы. Ныр та сæ дыууæ цæуынц Хуссар Ирыстонмæ. Майкл цæуы уырдæм æхсæвон гæлæбуты стæм хуызы тыххæй фильмы исынмæ. Женя та — уымæн æмæ йын Майклы фыд бауынаффæ кодта, цæмæй Женя йæ лæппумæ фæкæса. Уыдон Ирыстонмæ куы бахæццæ сты, уæд бынæттон цæрджытæй иу, Æхсар, сси уазджыты фæндагамонæг; æнæуый, Ирыстоны радзурынц ахæм хабар: гуырдзиæгтæ, дам, сæ хъæутæй цæуынц. Бынæттон цæрджытæ æнхъæлынц æмæ сæ хъæуы æмæ æнæхъæн республикæйы дæр цыдæр æрцæуа. Архайд цæуы 2008-æм азы 7-æм августы изæры.

Изæры 'рæгмæ Женя æмæ Майкл æвæрынц быдыры видеокæмерæтæ, уыдон цæмæй исой стæм æхсæвон гæлæбу — Olympius Inferno'йы; быдыры рацу-бацу кæнгæйæ, уыдон фембæлынц гуырдзиаг æфсадыл, хæстонтæ сæхимæ исынц фильмы сæйраг хъайтарты æмæ базонынц æмæ Майкл кæд уырыссаг у, фæлæ у АИШ-ы бæстаг. Майклы рауадзынц, уый домы, цæмæй Женяйы дæр рауадзой, зæгъгæ, уый йæ усаг у. Стæй уыдон алидзынц. Ссарынц сæ камерæтæ æмæ фенынц, пленкæйыл кæй систæуыд, уыцы стæм гæлæбу, уымæй дарддæр видеойы фæзынди гуырдзиаг æфсæдты балæбурд. Уыцы видеоты тыххæй сыл райдайы гуырдзиаг хæстонты «цуан». Уый фæстæ Майкл æмæ Женя цæуынц Цхинвалмæ, уырыссаг сабыргæнджытæм.

Цхинвалмæ цæугæйæ, уыдон фембæлынц бынæттон цæрджытыл, кæцытæ дзурынц, Цхинвалыл, дам, бомбæтæ æппарынц. Ирæтты 'хсæн иу лæппу ис, уый фæнды тох кæнын гуырдзыимæ, фæлæ йæ мад æй нæ уадзы. Сæйраг хъайтартæ куы ацæуынц иннæрдæм, уæд лæппуйы мад йæ рауадзы, цæмæй уый Женя æмæ Майклæн феххуыс кæна. Дарддæр лæппу ацæуы Цхинвалмæ, Женя æмæ Майкл та ауыдтой журналистты хæдтулгæйы. Уыдон уыдысты америкæгтæ. Лæппу æмæ чызг журналисттæм куы 'рбахæццæ сты, уæд фехъуыстой иу уацхæссæгæй, Уæрæсе Гуырдзыстонмæ, зæгъгæ, балæбурда. Женя уæд дзуры, æмæ йын ис Гуырдзыстон Хуссар Ирыстонмæ кæй балæбурдта, уый тыххæй æвдисæйнæгтæ. Журналисттæ сæ видеотæ сæхицæн айсынц æмæ ацы рæстаджы фæзыны, уый размæ сæйраг хъайтартæн фæндагамонæг чи уыди, уыцы ирон лæппу. Уый нæмы журналистты æмæ Майклæн йæ видео фæстæмæ радты. Уый фæстæ се 'ртæ дæр цæуынц журналисттæй кæй байстой, уыцы хæдтулгæйæ Цхинвалмæ.

Уыдон кæмæ бахæццæ сты, ацы Цхинвалы кæроны контроль кæнынц гуырдзиаг хæстонтæ. Женя æмæ Майкл англисагау сæм дзурынц æмæ уыдон, дам, америкаг журналисттæ сты, кæцытæ цæуынц репортаж исынмæ Цхинвалмæ. Фæлæ сæ уромынц æмæ баракмæ кæнынц. Лæппу та хæдтулгæйы аззайы. Ацы рæстаг хæстæттæм дзуры сæ сæргълæууæг (кæцы «цуан» кæны Женя æмæ Майклмæ). Хъайтартæ æмбарынц, кæй сæ базыдтой æмæ алидзынц хины руаджы. Лæппу та хæстæттæм фехсы æмæ амæлы.

Уалынджы Майкл æмæ Женя, Цхинвалы уæвгæйæ, бынæттон цæрджытимæ цæуынц уырыссаг æфсæддон рынчындонмæ, иу рынчын лæппуйы ласынмæ. Сæ хæдтулгæйы сын гуырдзиæгтæ та уромынц. Хæстонты 'хсæн ис сæргълæууæг, кæцы сæ домы, цæмæй йын раттой балæбурды видеоимæ диск. Женя дзуры, зæгъгæ, диск ын нæй, æмæ хæстон ракæны хæдтулгæйæ иу зæронды æмæ йæ амарынмæ хъавы. Уымæй, сæ иу ус дæтты ацы диск гуырдзиæгтæн. Хæстонтæ йæ сафынц. Фæлæ иу хæстон бамбары Майкл æмæ Женямæ дисчы халдих кæй ис. Уый рауадзы Майклы ирæттимæ; Женя та баззайы хæстонтимæ.


Майкл аласы лæппуйы рынчындонмæ, йæхæдæг та цæуы быдырмæ, йæ дисчы халдих кæм бамбæхст, уыцы ранмæ. Уым Майкл ауыдта гуырдзиаг хæстоны. Уый хъавы Женяйы амарынмæ, Майкл йын ноутбук дисчы халдихимæ куы нæ ратта, уæд. Майкл ын йæ дæтты. Фæлæ гуырдзиаг æхсы Женямæ æмæ йæхæдæг амæлы Æхсарæй, кæцы йæ сæфт хъæуы тыххæй йæ туг райста. Майкл аласы Женяйы рынчындонмæ.

Уымæй фæстæмæ ацыди цалдæр рæстæджы. Рынчындоны уæвгæйæ, Женя иу фæсарæйнаг телеуынæн каналы уыны Майклы. Уый фæнды бавдисын гуырдзиаг хæстæтты балæбурды тыххæй видео. Фæлæ экраны æвдыст цæуы æрмæст гæлæбу Olympius Inferno'йы тыххæй эпизод. Майклыл худынц æмæ уый студийæ ацæуы. Уалынджы Женяйы уатмæ рацæуы Майкл æмæ йын лæвар кæны дидинджытæ.

Уый фæстæ «фильмы мидæг фильм» фæци. Ногæй хъуысынц режиссёр æмæ сценаристы хъæлæстæ. Режиссёр дзуры, зæгъгæ, фильмы сюжет «тынг» у. Æцæг, зæгъы, фильмы Женя хъуамæ баззайа æгасæй.

Аивадон миниуджытæ ивын

Фильмы цалдæр хайы арæзтгонд сты реалон факттыл. Уыдоны тыххæй дзырдæуы ацы кинонывы: «08.08.08. Æмрас эфиры цæуæг хæст» (уырыс. «08.08.08. Война в прямом эфире»): афроамерикæгтæ гуырдзиаг æфсæдты æхсæн, мард ирæтты буæртты бын гранатæтæ, сонт гуырдзиаг салдат танкыл, кæцы фехсы хæдтулгæ. Фильмы кæроны америкаг телеканалы амонæг Майклæн бар нæ дæтты, цæмæй уый хæсты тыххæй растдзинад зæгъа, афтæ дæр куыд канал Fox News'ы эфиры йæ амонæг хъыгдардта Кокойты Амандæйæн дарддæр дзурын, «Ацы хæст райдыдта Саакашвили», зæгъгæ, йæ уыцы ныхасы фæстæ.

Фильмы хъайтартæ ивын

  • Дэвид Генри — Майкл
  • Полина Филоненко — Евгения
  • Цæллаты Вадим — Вахо
  • Адгур Малиа — Æхсар
  • Еленæ Храмовæ — Æхсары ус
  • Артур Гургенян — Габо
  • Венерæ Сквериа — Габойы мад
  • Адгур Джениа — булкъон-сабыргæнæг
  • Сергей Сангулиа — гуырдзиаг булкъон
  • Леонид Хишбæ— зæронд ирон лæг
  • Даур Арухадзе — зæронд ирон лæг
  • Адико Хашбæ — зæронд ирон лæг
  • Мзиа Аджинджал — сылгоймаг йæ хъæбулимæ
  • Бенар Кове — фырт
  • Омар Кове — фырт
  • Руслан Шакайæ — лейтенант
  • Мартин Кук — журналист
  • Анатолий Фохт — оператор
  • Денис Перцхелиа — журналистты шофыр
  • Питер Элад — инструктор
  • Нейтан Стоуэл — телеуынæны ног хабæртты амонæг
  • Крис Карл — чиновник
  • Наталья Папаскири — информбюройы кусæг сылгоймаг
  • Ромео Курмазиа — гуырдзиаг салдат
  • Тенгиз Кулава — фыййау
  • Леуан Арканиа — Майклы чи рауагъта, уыцы шофыр
  • Александр Мкртчян — Вахойы ординар
  • Сабинæ Ахмедовæ — Джессикæ

Æрвитæнтæ ивын