Абхазы Республикæ
Аҧсны Аҳәынҭқарра
Тырыса Герб
Тырыса Герб
Abkhazia in its region (less biased).svg
Хæдбар сси 1992 азы 23 июлы Гуырдзыстонæй
Æвзаг абхазаг, уырыссаг
Сæйраг сахар Сухум
Стырдæр сахартæ Сухум, Гагрæ, Гудаутæ
Хицауиуæджы хуыз Республикæ
Президент
Премьер-министр
Уæлдæр советы сæргълæууæг
Рауль Хaджимбæ
Леонид Лакербая
Темур Мжавия
Фæзуат 8600 км²
Доны процент чысыл
Цæрджытæ
• Бахыгъд (2011)
Æнгомад

240 705 ад.
40 ад./км²
Валютæ Уæрæсейаг сом
Телефонон код +7 840, +7 940[1]
Сахатон таг +3
Абхазы автономон республикæйы хицауад, Тбилисы дæлбар, 2008-æм азы авгутсы онг бадти Уæллаг Абхазы.

Абхаз кæнæ Абхази (абх. Аҧсны, гуырдз. აფხაზეთი) у хæдбар паддзахад, Гуырдзыстоны кæддæры автономи, ис Кавказы Цæгат-ныгуылæн хай — Сау денджызы былыл. Йæ сæйраг сахар у Сухум.

Абхазы уынд Пицундæйæ
Рицæйы цад
Абхазы районтæ: 1. Гагрæйы район, 2. Гудаутæйы район, 3. Сухумы район, 4. Гулрыпшы район, 5. Очамчырæйы район, 6. Ткуарчалы район, 7. Галы район

Абхазы хæдбардзинад базыдтой Уæрæсе (2008-æм азы 26 августы)[2], Никарагуа (2008-æм азы 5 сентябры)[3], Венесуэлæ (2009-æм азы 10 сентябры)[4][5] æмæ Науру (2009-æм азы 15 декабры)[6], стæй Хуссар Ирыстон, Приднестровье æмæ Уæлхох Карабах. 2008-æм азæй фæстæмæ Абхази, цы территори йæхи хоны, уый контроль кæны æппæтæй.

Абхазы ныры президент у Рауль Хaджимбæ (2014-æм азы сентябрæй)[7]. Абхазы президент 2011-æм азы 26 сентябрæй уыдис Александр Анкваб[8], Сергей Багапшы амарды фæстæ уый æххæст кодта президенты хæстæ[9].

Республикæйы фæзуат у 8,6 мин квадратон километры.

Ныгуылæнæй скæсæны ’рдæм йæ территорийы астæуккаг дæргъ у 160 километры, хуссарæй цæгаты ’рдæм та — 54 километры. Денджызгæрæтты дæргъ у 210 километры.

Абхазы цæрджытæ нымæц — 320 мин адæймагæй фылдæр (2001 азы зонæнтæм гæсгæ). Цæрынц дзы абхазæгтæ, сомихæгтæ, уырыссæгтæ, гуырдзиæгтæ (сæ фылдæр мегрелтæ), грекъæгтæ, эстойнæгтæ, немыцæгтæ, польшæйæгтæ æмæ æндæр нациты минæвæрттæ. Сахарты цæрджыты нымæц хизы 50 процентæй фылдæрмæ. Сæ динмæ гæсгæ 60% сты чырыстæттæ, 16% пысылмæттæ.

Хæхтæ ахсынц йæ территорийы 64% — Кавказы сæйраг къæдзæхрагъ, Бзыбь, Чхалта, Кодоры хæхтæ. Иууыл бæрзонддæр хох у Домбай-Ульген (4046 м).

Йæ хуссар хай сты æфцджытæ æмæ дæлвæзтæ.

Ис дзы лæгæттæ: «Ног Афон», «Митджын», Арбаикайы æфцæгыл лæгæт-сæрсæфæн — дунейы иууыл арфдæр лæгæт (1860 метры).

Цæугæдæттæ: Псоу, Бзыбь, Гумиста, Кодор, Алдзга, Ингур æмæ æндæртæ.

Цæдтæ: Рица, Амткел, Инкит, Голубое, Бебеисир.

Мæр хæххон сыгъзæрингъуыз, сырх æмæ бургъуыз.

Абхазы территорийы 55 процентæй фылдæрыл зайы хъæд (тулдз, тæрс, фатхъæд, сабæлут, соцъи æмæ наз). Денджызгæрæтты зайынц субтропикон зайæгойтæ.

Йæ бæстыхъæд у уымæл, субтропикон, денджызгæрæтты январы астæуккаг температурæ вæййы +4... +7 градусы, хæхты — +2... -2 градусы, июлы та +22... +24 градусы. Къæвдатæ дзы афæдз æруары 1300–2400 миллиметры.

Commons:Category
ВикиКъæбицы ис нывтæ ацы темæйыл. Кæс:

Кæс статьятæ

Кæс ноджы

Æддаг æрмæг

Фиппаинæгтæ