Тедеты Герас
Тедеты Зурабы фырт Герас (райгуырдис Сывылдзджыны, Гуырдзыстоны) у ирон фыссæг.
| Тедеты Герас | |
|---|---|
 | |
| Райгуырæны бынат | |
| Æмбæстонад (дæлхицауад) | |
| Архайды хуыз | фыссæг |
Цардафыст ивын
Герас райгуырис Къахеты Сывылдзджыны. Ахуыр кодта Арешпераны скъолайы. Уæд Гуырдзы ирон скъолатæ алы ран дæр сæхгæдтой æмæ дзы бакодтой сæхи скъолатæ. Герас каст фæцис астæуккаг скъола гуырдзиаг æвзагыл. Ӕдзухæй дæр йæ хъуыдытæ баст уыдысты Ирыстонимæ æмæ йæ ахуыры фæстæ æрцыд Хуссар Ирмæ æмæ бацыд хъæууон хæдзарадон техникуммæ. Уæд уыцы техникум уыд Тамаресы хъæуы æмæ дзы директорæй куыста Галактион Иванидзе, Къусраты Женяйы цардæмбал.
Герас уарзта ирон культурæ. Сæ уарзон актрисæ уыд Гаглойты Варя (Варварæ) æмæ йын стыр кад кодтой. Уæдмæ æнтыстджынæй фæцис ахуыр, райста ветеринары дæсныйад, фæлæ йæ зæрдæ æдзухæй дæр æхсайдта пединститутмæ æмæ цæттæ кæнын райдыдта ирон факультетмæ. Уæды рæстæджы тынг зын бахауæн уыд ирон факультетмæ. Уæдмæ иу курсмæ истой фæндзай адæймаджы, фæлæ сæ фæстагмæ ахуыргæнджыты сæр уадиссаг нал хъуыд æмæ ма фыццаг курсмæ истой æрмæстдæр дууын фондз адæймаджы. Бирæ хатт-иу конкурсы иу курсмæ уыдис сæдæ адæймаджы. Тынг зын бахауæн уыд институтмæ. Тедеты Рюрик кæуылты цæттæ лæппу уыд, фæлæ конкурсмæ нæ бахауд. Герас æнтыстджынæй радта бацæуæн фæлварæнтæ æмæ ссис институты фыццаг курсы студент. Йæ цинæн кæрон нал уыдис æмæ уæхсгуæзæй райдыдта ахуыр кæнын. Йæ уарзон лектортæ уыдысты Бекъойты Димитр, Биазырты Алыксандр, Цыхуырбаты Лизæ.
Институт каст фæцис тынг хорзæй æмæ йæ уæд йæ фæндаг бахаста Зонадон институты ирон æвзаджы хайадмæ. Цыбыр рæстæгмæ радта кандидатон фæлварæнтæ æмæ райдыдта кусын кандидатон диссертацийыл. Цымыдисон темæ равзæрста Герас йæ кандидатон диссертацийæн: «Ирон æвзаджы хъæууон хæдзарады фадыгон лексикæ».
Тынг зыдта зонадон литературæйæ пайда кæнын. Герас хорз æрæхст хъæдкуыстытæм.
Æддаг æрмæг ивын
- Хуссар Ирыстоны республикон æхсæнадон-политикон газет «Хурзæрин» / Уанеты Владимир. Зынгæ ахуыргонд æмæ курдиатджын фыссæг Тедеты Герасы амæлæтыл сæххæст 20 азы(æнæбаххæсгæ æрвитæн)
|
Ацы уац адæймаджы тыххæй къæртт у, ома æрдæгцæттæ. Википедийæн баххуыс кæн æмæ ацы уац раст æмæ стырдæр скæн. |
 | Ацы статьяйы автортæй чидæр пайда кодта газет «Хурзæрин»-æй ист æрмæджытæй. «Хурзæрин»-ы редакци ахæм бар дæтты. |