Боллотæ

Боллотæ (уырыс. Боллоевы) сты дыгурон мыггаг.

Равзæрд

Ацы мыггагæн йæ фыдæл Есе раджы кæддæр Дыгургоммæ æрбафтыд Асыйæ. Йæхицæн цæрæнбынатæн равзæрста Къумбулты хъæу. Боллотæ уыдысты æхсæз æфсымæры. Уыдоны нæмттæй — Галачи, Чихауи, Кебег, Мулук, Глаз-Глаз, Тез — равзæрд мыггæгтæ Галачитæ, Чихауитæ, Кебектæ, Мулукатæ, Глазтæ æмæ Тезтæ. 1886-æм азы бæрæггæнæнтæм гæсгæ, Къумбулты адонæй баззадысты æрмæст Боллотæ. Галачитæ алыгъдысты Кæсæгмæ, Озречы хъæумæ, Кебектæ — Лескенмæ, Чихауитæ — Чырыстонхъæумæ, Мулукатæ Гæлиатмæ, Тезтæ та Асымæ. Боллоты хистæртæ куыд дзурынц, афтæмæй Глазтæ фæлыгъдысты Æрджынарæгмæ æмæ уым сæ мыггаг Галазтæ скодтой.