Æрхонкæ

Æрхонкæ, раздæры ном — Къардон (уырыс. Архонская, Архонка дæр) у Цæгат Ирыстоны Горæтгæрон районы станицæ Джызæлдоны былтыл, кæддæры Орджоникидзейы районы административон центр. Цæрынц дзы 7,8 мин адæймаджы (2005).

Станицæ
Æрхонкæ
уырыс. Архонская
Тырыса
43°07′00″ с. ш. 44°31′00″ в. д.
Паддзахад	Уæрæсе
Федерацийы субъект	Цæгат Ирыстон
Муниципалон район	Горæтгæроны район
Сæргълæууæг	Александр Лысоконь
Истори æмæ географи
Бындурæвæрд	1838
Раздæры нæмттæ	Къардон
Сахатон таг	UTC+3:00
Цæрджытæ
Цæрджытæ	↘8138 адæймаджы (2023)
Национ сконд	уырыссæгтæ (70%) ирæттæ (27%)
Цифрон идентификатортæ
Телефонон код	+7 86739
Посты индекстæ	363120
Викикъæбицы медиа

Станицæйы бындур сæвæрдтой Чысыл Уæрæсейы хъазахъхъаг полчъы хъазахъхъæгтæ 1838-æм азы. XIX æнусы дзы куыста æмбæрзæн агуритæ уадзæн завод, цæугæдоныл цалдæр куыройы.

Станицæйы æфсæддонты ’хсæн уыдысты Георгийы дзуары æртæ æххæст кавалеры: Сергей Богомаз, Илларион Бондарев, Стефан Калашников. Революцийы фæстæ архонскæйæгтæ хæцыдысты большевикты ныхмæ. 1920 азы станицæйы атаман Павел Василенко кæдæмдæр фесæфти æмæ фæстæдæр большевикты цур скуыста. 1920 азы 18 январы хъазахъхъ равзæрстой Григорий Кикоть куыд сæ ног атаман. Афтæмæй Кикоть сси Æрхонкæйы фæстаг атаман. Уыцы азы 24 мартъийы сырхæфсæддонтæ байстой станицæйы.

Станицæйы цæрджытæй 70% сты уырыссæгтæ (сæ фылдæр хъазахъхъаг равзæрдæй), 27% — ирæттæ, 3% — иннæтæ.

Культурæ

Æрхонкæйы ис Культурæйы хæдзар, сывæлæтты музыкалон скъола, библиотекæ æмæ Спорты галуан.

Æрхонкæйы хъазахъхъæгтæ хъахъхъæнынц сæ зарæджы традицитæ: ис дзы дыууæ зындгонд коллективы — Хъазахъхъаг адæмон хор æмæ Хъазахъхъаг зарæджы ансамбль «Станицæ».

Къамтæ

• 
  Станицæмæ бацæуæн
• 
  Зæронд скъолайы агъуыст
• 
  Станицæйы уынд быдырæй
• 
  Станицæйы бон (1998)

Æддаг æрмæг

• Æрхонкæйы тыххæй сайт (уырыс.)
• Артдзæст. Архонская