Хъайтмазты Аслæмырзæ

Хъайтмазты Бечмырзæйы фырт Аслæмырзæ (райгуырдис 1866-æм азы Уæллаг Зæрæмæджы — амардис 1925-æм азы Дзæуджыхъæуы) у ирон фыссæг, поэт, тæлмацгæнæг.

Хъайтмазты Аслæмырзæ
Райгуырды датæ	1866
Райгуырæны бынат	Уæллаг Зæрæмæг, Уæрæсейы импери
Мæлæты бон	1925-æм азы 25 январы(1925-01-25)
Мæлæты бынат	Дзæуджыхъæу, Цæгат Кавказы край[d], Уæрæсейы СФСР, Советон Цæдис
Æмбæстонад (дæлхицауад)	Уæрæсейы импери
Ахуырад	Фæскавказы ахуыргæнджыты семинар
Архайды хуыз	поэт
Уацмысты æвзаг	ирон

Цардафыст

Хъайтмазты Аслæмырзæ райгуырдис 1866-æм азы Уæллаг Зæрæмæджы. Гуры каст фæцис ахуыргæнджыты семинар æмæ педагогон куыст кодта Фæскавказы, Кæсæджы, стæй йæ райгуырæн хъæуы, Армавиры, Лабæйы æмæ æндæр рæтты. Лабæйы кусгæйæ хорз базонгæ Къостаимæ, уыд йе сиахс: йæ хо Олгъайы лæг. Фæлæ Олгъаимæ сæ цард нæ ацыд, æмæ фæстагмæ ахицæн сты.

Æмбырд кодта Нарты кадджытæ æмæ Даредзанты таурæгътæ, аргъæуттæ, таурæгътæ.

Октябры революцийы фæстæ Аслæмырзæ кусын райдыдта Дзæуджыхъæуы ахуыры хайады.

Литературæ

• Хъайтмазты Аслæмырзæ (уырыс.)
• Хъайтмазты А. Æхснарт æмæ йæ фырттæ. Уацмыстæ / Чиныг сарæзтæ Хъодзаты Æ. — Дзæуджыхъæу: Ир, 2002 — 112 ф.