Сомих

**Сомихы Республикæ**
**Հայաստանի Հանրապետություն**
Тырыса	Герб
	Гимн: «Мер Айреник (Мах Фыдыбæстæ)»
Хæдбар сси	1991 азы 21 сентябры Советон Цæдисæй
Æвзаг	сомихаг
Сæйраг сахар	Ереван
Стырдæр сахартæ	Ереван
Хицауиуæджы хуыз	Президентон республикæ
Президент; Премьер-министр	Армен Саргсян; Никол Пашинян
Фæзуат	29 800 км²
Доны процент	4,7
Цæрджытæ; • Бахыгъд (2017); • Æнгомад	; 2 986 100 ад. ; 101,5 ад./км²
ÆМП; • Æдæппæт (2017); • Иу адæймагмæ	дунейы 133-æм; 11 037 млрд $; 3 690 $
Валютæ	драм
Интернет-домен	.am
Телефонон код	+374
Сахатон таг	+4
	↑ ацы бæстæйы у декретон рæстæг ;

Ацы терминæн ис æндæр нысаниуджытæ, кæс Сомих (нысаниуджытæ).

Сомих кæнæ Сомихыстон, дыгур. Сомех (сом. Հայաստան [hɑjɑsˈtɑn]), официалон æгъдауæй Сомихы Республикæ (сом. Հայաստանի Հանրապետություն (hɑjɑstɑˈni hɑnɾɑpɛtuˈtʰjun)), у Хуссар Кавказы паддзахад. Ис Ныгуылæн Азийы, денджызмæ бацæуæн йæм нæй. Арæнтæ йæм ис Гуырдзыстон, Турк, Азербайджан æмæ Иранимæ. Йæ сæйраг сахар у Ереван. Сомихы зæххыты фæзуат у 29 800 квадратон километр, æмæ йæ цæрджыты нымæц та у 3,3 милуан. Кæд географион критеритæм гæсгæ Азийы ис, уæд культурон æууæлтæй Европæйы паддзахадыл нымад у.

Карабахы конфликты фæстæ Турк æмæ Азербайджан Сомихимæ сæ арæнтæ сæхгæдтой, афтæмæй дунейы бæстæтимæ уæйгæнæн ис æрмæст Гуырдзыстон æмæ Ираны территоритыл.

2009-æм азы райдыдта Турк æмæ Сомихы ’хсæн бафидауыны процесс. Сомихы цæрджытæ сæ ныфс дарынц ууыл, æмæ арæн байгом уыдзæн, уымæй та фæасламдæр уыдзысты æппæт импортгонд товартæ. Иуæй-иу политиктæ зæгъынц, гом арæн Туркæн æлхъивыны инструмент кæй ратдзынæн, уый тыххæй^[1]. Ныртæккæ, 1992-æм азы бадзырдмæ гæсгæ, Туркимæ Сомихы арæн хъахъхъæнынц Уæрæсейы арæнгæсты æфсад^[2].

Паддзахады нырыккон президент у Серж Саргсян (2008-æм азæй).

Сомихы валютæ у драм. Лыстæгдæр æхца у 10 драмы монетæ.

Сомих у дунейы рагондæр чырыстон паддзахæдтæй иу. Чырыстон дин дзы сси официалон 301-æм азы.

Бæстæйы цардмæ стыр тæваг дарынц сомихаг фæсарæйнаг диаспорæ.

ЭтимологиИвын

Иронау та дзырд «Сомих» y равзæрд гуырдзиаг дзырдæй «Сомхети» (гуырдз. სომხეთი кæнæ სასომხეთი). Куыд уынæм, афтæмæй абон ацы дзырд у æрмæстдæр уыцы дыууæ æвзæгтыл.