2021-æм азы декабрь

2021-æм азы 31 декабры

• Уæрæсе Кубæмæ арвыста 22 тоннæйы гуманитарон æххуыс. Кубæйы медиктæ райсдзысты хъахъхъæнæг дарæс æмæ шприцтæ, æндæр дзауматы ’хсæн.

2021-æм азы 26 декабры

• Уфайæ Оренбургмæ фæндагыл æрцыдис авари 22 хæдтулгæйы хайадистæй. Иу адæймаг дзыхъмард фæцис, бирæтæ фæцæф сты.

2021-æм азы 25 декабры

• Дзæуджыхъæуы лакаг æвзагыл театры спектакльмæ æрбацыдысты 500 театрдзауы.

2021-æм азы 21 декабры

• Ручъы тъунелы хуссарварс рацыд зӕй, миты бын фесты фондз уӕрӕсейаг ӕфсӕддоны. Уыдонæй дыууæйы фервæзын кодтой, æртæ фæмардысты.

2021-æм азы 20 декабры

• Транскам тæссаг у зæйтæ рацæуынæй, æмæ уый тыххæй æхгæд æрцыдис. Хæххон районты ма уары мит.

2021-æм азы 19 декабры

Чилийы ног президент Г. Борич

• Чилийы ног президент сси Габриэль Борич, хорватаг равзæрды социалист бæстæйы хуссарæй.
• Ростов-Доныл: археологтæ къахтой Фыдыбæстæйы Стыр хæсты рæстæджы немыцаг хæстон позицитæ æмæ дзы ссардтой скифаг аг. Рестраврацийы фæстæ аджы æвдисдзысты бынæттон музейы.

2021-æм азы 18 декабры

• Пакистаны хуссары Карачийы сахары банчы мидæг срæмыгъди æрдзон газы æртæдзæн, æппынкъаддæр 14 адæймаджы фæмардысты.

2021-æм азы 17 декабры

• Уæрæсейы астæуккаг скъолаты хæрæндонты ’хсæн конкурсы уæлахизгæнджытæй иу сси Æрыдоны 1-æм скъолайы хæрæндон.

2021-æм азы 14 декабры

Еврозонæйы уæнгтæ

• Финляндийы радио куыд фехъусын кодта, ноябры дæргъы еврозонæйы инфляци 4,9% онг схызти.
• Сау денджызы ныгуылæны АИШ-ы ракетæхæссæг хæстон нау «Арли Бёрк» бацархайдта Гуырдзыстоны арæнгæс флотимæ иумæйаг ахуыры.

2021-æм азы 13 декабры

• Мæскуымæ ’ввахс фæндагыл цæугæйæ ссыгъди, Узбекистанæй рог хæдтулгæтæ чи ласта, ахæм уæзласæн машинæ. Ничи фæцæф, фæлæ æртæ хæдтулгæйы бынтон басыгъдысты.
• Сомих æмæ Турчы ’хсæн тагъд рæстæджы хæдтæхджытæ тæхын райдайдзысты, — уый тыххæй фехъусын кодта къуырисæры Турчы фæсарæйнаг хъуыддæгты министр Чавушоглу. Бирæ азты дæргъы дыууæ паддзахады ’хсæн ницы бастдзинад уыдис.

2021-æм азы 12 декабры

• Приднестровьейы цæрджытæ æвзарынц республикæйы æвдæм президенты.

2021-æм азы 11 декабры

• Турчы президент Реджеп Эрдоган загъта, социалон хызтæ, дам, демократийæн тынг тас сты, зæгъгæ, уый тыххæй æмæ дзы сайæн ныхæстæ парахат кæнынц.

2021-æм азы 10 декабры

Джулиан Асанж

• Лондоны апелляцион тæрхондон сразы и WikiLeaks-ы бындурæвæрæг Джулиан Ассанжы АИШ-мæ арвитыныл.

2021-æм азы 9 декабры

• Моргуаты Жаннæ баззади Цæгат Ирыстоны сæйраг æвзарæн къамисы сæргъы, йæ хæдивæгæй ма уыдзæн Хъуыдакаты Сосланбег. Сæ кандидатурæтæ сфидар кодтой сæйраг æвзарæн къамисы уæнгтæ
• КАМАЗ йæхицæй радих кодта ног акционерон æхсæнад «Кама», кæцы рог хæдтулгæтæ электрон змæлынгæнæгимæ уадздзæн. 2024-æм азмæ Уæрæсейы куыстуæттæ афæдз араздзысты 25 мин электромобилы.

2021-æм азы 8 декабры

Олаф Шольц

• Олаф Шольц сси Германы ног канцлер Ангелæ Меркелы бæсты, Бундестаджы депутаттæй æртæ сæдæйæ фылдæр йæ кандидатурæйы ныхмæ уыдысты, афтæмæй.
• Женевæйы ацыдис Фæскавказы æдасдзинады тыххæй дискусситы 55-æм зылд, ныхас дзы цыдис регионы сабырдзинад хъахъхъæнын æмæ Тырсыгомæй рацæуæг ирæтты бартæ нæ халыны тыххæй.

2021-æм азы 7 декабры

• Мæскуыйы бирæфункционалон центртæй иуы 45-аздзыд хæстон пенсиисæг йæ дамбацæйæ æхсын байдыдта, маскæ дæхиуыл скæн, зæгъгæ, уымæн куы загътой, уæд. Цыппар адæймаджы фæцæф, дыууæ фæмард сты. Æхсæджы бауырæдтой.
• Мæскуыйы метрополитены æмрæстæджы скусын кодтой дæс ног станцæйы.

2021-æм азы 6 декабры

• Дыццæджы Мæскуыйы цы тыхджын мит рауардзæн, уый уыдзæн 1949-æм азæй æппæты тыхджындæн митуард Уæрæсейы сæйраг сахары, — хъусын кæнынц метеорологтæ.
• Дзæуджыхъæумæ цæуы ног трамвай, фыццаг ног вагон уынгты фæзындзæн 20 декабры.

2021-æм азы 5 декабры

• Цхинвалы цæрæг йæ къæбицы ссардта гранатæ Ф-1. Хуссар Ирыстоны æнæнхъæлæджы цауты министрады специалисттæ гранатæ сахары æдде срæмудзын кодтой.
• Айразмæ Хуссар Африкæйы Республикæйæ Мæскуымæ чи æрыздæхт, уыдоны ’хсæн фарастмæ тесттæ ног коронавирус рабæрæг кодтой.

2021-æм азы 4 декабры

Кени Зæххы къорийыл

• Æппынкъаддæр 21 адæймаджы фæмардысты центрон Кенийы — чындзæхсæвмæ цы автобусæй цыдысты, уый хидæй донмæ ныххауди.
• Гурмæ ’ввæхс Зегдулетийы хъæуы цæрæг зæхкусджытæ рæстæгмæ сæхгæдтой фæндаг — уымæй се ’нæразыдзинад равдыстой, сæ хизæнуæттæ фæсарæйнаг инвестормæ кæй уæй кæнынц, уый тыххæй.

2021-æм азы 3 декабры

• Киевы 1969-æм азы гуырд цæрæджы зæрдæмæ нæ фæцыдис, йæ фатеры цы цалцæг скодтой, уый, æмæ цалцæггæнæджы йæ ливорæй фехста. Цæф адæймаджы аластой рынчындонмæ, æхсæджы та — пъæлицæмæ.
• Дзæуджыхъæуы зынгсирвæзт 48-æм скъолайы, арт аххуысын кодтой, эвакуаци бахъуыд 510 сывæллоны.

2021-æм азы 1 декабры

• Мюнхены срæмыгъд, дыккаг дунеон хæсты заманæй чи баззæд, ахæм бомбæ. Цыппар арæзтадон кусæджы фæцæф сты.